Uno planto emicriptoufito, d'après la classificacioun di tipe bioulougico de Raunkiaer (1904), es uno planto renadivo que lis ourgano que passon la marrido sesoun (ivèr o secaresso) s'atrobon au nivèu dóu sòu.Acò fai que quouro li coundicioun soun marrido, tóuti li ramo de la planto crèbon, e soubron pu que li bourroun o grèu e, de cop que i'a, quà uqui fueio au sòu. La planto, d'aquéu biais se vèi pas gaire e la fau souvènt cerca pèr la trouba.A la bello sesoun, un emicriptoufite fai siegue uno mato d'erbo, siegue uno rouseto, siegue uno liano que s'arrapo sus uno autro planto.Pèr eisèmple, l'erbo-pradenco, Anthoxanthum odoratum, fara uno mato d'erbo à la primo, alor que lou sauto-voulame, Chondrilla juncea, uno rouseto de fueio que dounara pièi uno cambo flourido.