Plantun de Prouvènço

Pèr counèisse e recounèisse li planto d'encò nostre

fotò
fotò Sassifrago(-di-fueio-en-cougnet)

Saxifraga cuneifolia

Saxifragaceae

Autre noum : Sassifrajo.

Noms en français : Saxifrage à feuilles en coin, Désespoir du peintre.

Descripcioun :
Aquesto sassifrago trachis en mountagno souto lis aubre, à la sousto dóu soulèu ; fai de coulounìo. Es uno planto coumuno dins lis Aup marino (subsp. cuneifolia) pu raro en deforo. Se recounèis pulèu eisadamen à sa fausso rouseto de fueio en cougnet e à sa cambo nuso que porto quàuqui flour blanco tacado de jauno e de pau-duro. Li fueio soun bourdado d'uno cimousso escariouso blanco de 0,1 mm de larg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Bioulougìo - Usanço - Classificacioun

Port : Pichoto planto lignouso
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico :
Planto renadivo
Fourestiero : Noun

Coulour de la flour : Blanco
Petalo : 5
Ø (o loungour) flour : 0,5 à 0,8 cm
Flourido : Printèms - Estiéu
Mai à juliet
Aparado : Noun

Empouisounanto : Noun
Manjadisso : Noun

Vertuouso : Noun

Gènre : Saxifraga
Seicioun : Gymnopera
Famiho : Saxifragaceae
Ordre : Saxifragales
Filougenìo : Tracheophyta

Ref. sc. : Saxifraga cuneifolia L., 1753

fotò

Ecoulougìo - Partisoun

Liò : Bos fres - Roucas à l'oumbro

Estànci : Mountagnard, Subaupen.

Couroulougi : Ouroufito-Sud-Éuroupenco

Sòu : Si (Ca)

Autour basso e auto : 600 à 2300 m

Aboundànci : C

Fitousoucioulougìo

Classo : Anemono nemorosae-Caricetea sylvaticae

Ordre : Luzuletalia pilosae

Alianço : Luzulion luzuloidis

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
R
CC
C

Coumpara Sassifrago(-di-fueio-en-cougnet) emé uno autro planto

fotò

Uno questioun, uno remarco...