Plantun de Prouvènço

Pèr counèisse e recounèisse li planto d'encò nostre : 2628 planto e mai de 30 000 fotò

Chausi uno planto, ana furna dins li relarg o aprendre en jougant...


Chausi uno planto


Li darriéri planto apoundudo

fotò

Dins la garrigo

"Li mourre d'alentour èron cubert de ferigoulo, de roumanin, d'alegue, de bouis e de lavando. Quàuqui cantoun de vigno, (...), quàuqui tros d'óulivié planta dins li founsau, quàuqui lèio d'amelié bestort e negrinèu, arrascassi dins li lausiho, emé dins li fendasclo, quàuqui figuiero de porc, acò, de liuen en liuen, èro tout lou cóutu d'aquéu clapas de mountagnolo. Lou rèsto, rèn que d'erme emé de roucassiho, mai... que sentien tent bon" !
Memòri e Raconte (1906), Frederi MISTRAL

fotò

Dins li champ, lis ermas, pèr camin

"Dins la Revue agricole et forestière de Provence (febrié 1871), un eicelènt recuei d’agriculturo prouvençalo que se publico à-z-Ais, noste confraire J. B. Gaut a douna lou noum di planto qu’intron en generau dins la cicourèio o ensalado champanello. Veici aquéstis erbo, aquéli dóu mens que se manjon à-z-Ais :
L'àpi-fèr que crèis de-long de l’aigo,
Lou barbabou que vèn dins li prat ...
Armana Prouvènçau (1874), Lou Cousinié Macàri (F.M.)

fotò

En mountagno

"De bluiet, tres o quatre fes mai gros que li blavet di champ, s'espandissien à bèl èime davans nòsti pas, e d'àutri planto nouvello, tóuti fresco e requinquihado : la masco, flour bluio e delicato que-noun-sai ; l'argentet 'mé si fueio verdo d'un bèu verd, en dessouto argenta : l'ambrouso e l'aumasso, qu'acò's la frago sóuvajo, tóuti flourido ; la mento, lou badassoun, lou boutoun d'or, la campaneto ; enjusquo l'aiet bastard, enjusquo lou sangàri, o autramen di l'espinarc-fèr".
En Mountagno (1899), D.Savié DE FOURVIERO

fotò

Dins li palun e en ribo d'aigo

"Aguère pas de lou remanda bèn liuen, que lou surendeman, just e just, desvistère mai de clado, di memo, à l'orle de l'Estang-Redoun. Coustejavon la palun, noun-pariero, mai bèn triado, marcado clar sus lou fres de la sansouiro, s'arrestavon, reprenien, s'arrestavon mai e fenissien pèr trauca dins la sagnasso".
La Bèsti dóu Vacarés (1926), Jóusè D'ARBAUD

fotò

En ribo de mar

Dins li mountiho de sablo en ribo de mar, s'atrobon de planto carateristico d'aquéu relarg ounte la sablo èi mouvadisso, l'aigo douço raro e la secaresso impourtanto l'estiéu. Soun li planto que bastisson li duno bonodi si racino e meme si fueio. Li proumiéri planto à planta caviho soun de planto qu'arribon à endura la sau, coume la rouqueto-de-mar e l'engano, pièi la sablo s'amoulouno d'à cha pau à si pèd. Pièi d'àutris espèci fisson l'areno, la mai impourtanto par acò èi l'aufo-pougnènto. La pluio lavo alor la sablo de sa sau e d'àutri planto vènon...

fotò

Li planto vertuouso

"Ansème (...) nous apren li secrèt dóu trescalan que garis touto plago, de la verbeno que fai gagna l'amour di chato, dóu verbouisset que roump li mariage que l'on vòu desfaire, de l'erbo-d'esclaire que l'iroundello se n'en sèr pèr rèndre la visto à si pichot que i'an creba lis iue, de la rudo que dono poudé à la moustello de viéuta lou baseli e de ressucita si catoun quand i'an ensuca..."
L'Erbo de la Routo (1953), Carle GALTIER


Li relarg boutani de Plantun de Prouvènço

fotò Rose Plano Auto Basso Safrouso Preaupenco Marino Aup
Vuei, dimars 19 de mars 2024