Plantun de Prouvènço

Pèr coumpara dos planto d'encò nostre

Carum carvi & Hieracium scorzonerifolium

Càrvi

Carum carvi

Apiaceae Umbelliferae

Àutri noum : Charui, Charièi, Charuei, Chervi, Cherui.

Noms en français : Carvi, Cumin des prés.

Descripcioun :
Lou càrvi (o charui e si varianto dins lis Aup) es uno fino Apiaceae que trachis dins li prado de mountagno. La cambo èi boutisso, la racino blanco en fusèu e óudouranto, e li fueio primo, dous à tres cop divisado e penado. Li fru de 3 à 4 mm sènton bon lou cumin.

Usanço :
Lou grun (fru) de càrvi èi couneigu pèr èstre un bon sabourun, s'emplego dins d'ùni relarg pèr douna de goust i tian, froumage e aigardènt... Li fueio soun manjadisso, en Savoio n'en fasien de soupo (siècle XIXen) ; au nostre se manjavo li racino. L'òli de grun de càrvi èi bono pèr tout ço que toco la digestioun, majamen contro li doulour de vèntre. Èi bon peréu contro lou tussi e pèr faire veni lou la dins li teté.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Carum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : Vo
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Prado - Camin
Estànci : Mountagnard à Subaupen
Couroulougi : Éurasiatico
Ref. sc. : Carum carvi L., 1753

Esparello(-di-fueio-d'escoursounèro)

Hieracium scorzonerifolium

Asteraceae Compositae

Nom en français : Épervière à feuilles de scorsonère.

Descripcioun :
Aquesto esparello fai partido dóu group VILLOSA, planto proun pelouso e presento au nostre soulamen en mountagno. Lou maje biais de la recounèisse èi li fueio d'en aut de la tijo en embut (fotò). A proun de péu sus l'enflourejado, mai pas gaire sus la cambo e li fueio. Li bratèio dóu deforo de la flour coumpausado soun tant espèsso e pas mai qu'aquéli de dedins. Trachis dins li tepiero roucaiouso e li roucaio.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Endemico dis Aup

Liò : Auto mountagno - Mountagno mejano - Roucas
Estànci : Mountagnard à Aupen
Couroulougi : Pancaro entresigna
Ref. sc. : Hieracium scorzonerifolium Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carum carvi & Hieracium scorzonerifolium

ges

Coumpara Càrvi emé uno autro planto

Coumpara Esparello(-di-fueio-d'escoursounèro) emé uno autro planto