Famiho : Asteraceae, i'a 292 meno.

Pèr counèisse e recounèisse li planto d'encò nostre

Lis Asteraceae (famiho de la margarido) soun d'erbo o d'aubret.

Li fueio podon èstre alterno, óupousado o en rouseto (di proun acampado pèr l'ensalado champanello).

Li "flour" (1) coume se vèson soun coumpausado de pichòti flour o flouroun (2, 5) aleva encò Ambrosia e Xanthium. I'a tres meno de flouroun : en tube emé cinq dènt, en tube emé dos labro e en ligulo.

Li flouroun podon èstre tóuti parié (caussido, cardoun...) o aquéli dóu cèntre podon èstre en tube, diferènt (1) di li dóu deforo coume pèr la margarido.

I'a cinq estamino sóudado pèr lou bas e que fan un tube à l'entour de l'estile (2). L'óuviero s'atrobo dessouto li sepalo (3, 6).

Lou fru, se, èi souvènti-fes courouna d'uno meno de pichot paro-toumbant (papus - 4). Pèr d'ùni planto, es impourtant de bèn regarda peréu li bratèio (7).