Plantun de Prouvènço

Pèr coumpara dos planto d'encò nostre

Allium ursinum & Pseudorchis albida

Allium ursinum

Amaryllidaceae Alliaceae

Noms en français : Ail des ours, Ail des bois.

Descripcioun :
L'aiet-bastard trachis dins li faio e li blachiero umido. S'apren à-n-acò que se vèi quàsi pas en Prouvènço, en deforo di relarg mountagnous. Se recounèis à si làrgi fueio pourtado pèr un pecou, e à si flour blanco coume lou la e un pau grando (fin qu'à 1,5 cm).

Usanço :
"- Se vesias, nous disié lou Jóuse, soun pas marrit aquélis aiet. Tenès, tastas.
- Verai ! soun bon. Hòu ! pourrias faire l'aiòli". ("En Mountagno", op.cit p. 72)
Èi l'aiet fèr lou mai manja en Éuropo e acò desempièi lou neoulitique. Poudès acampa li fueio, li flour, li boutoun, li jóuini fru e li veno. S'adoubon de proun de biais, en ensalado, cue... A peréu li mémi prouprieta que l'aiet cultiva (vèire çai-souto), èi peréu riche en vitamine C e fai meigri.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : 1 à 1,5 cm
Flourido : Printèms

Sòu : Ca (Si)
Autour basso e auto : 0 à 1600 m
Aparado : Noun
Abriéu à mai

Liò : Faio - Blachiero - Ribiero
Estànci : Coulinen à Mountagnard
Couroulougi : Éurasiatico
Ref. sc. : Allium ursinum L., 1753

Gau(-blancas)

Pseudorchis albida

Orchidaceae

Nom en français : Orchis blanchâtre.

Descripcioun :
Aquéu pichot gau, dóu gènre pseudorchis, trachis dins li pelouso de mountagno. Fai de flour de 2 à 3 mm, blanquinouso à jaunasso emé d'óudour de mèu. Li fueio, en lanço, parton tóuti de la cambo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Pseudorchis
Famiho : Orchidaceae

Ordre : Aspargales

Coulour de la flour : Blanco
Petalo : irreguliero
Ø (o loungour) flour : 3 à 5 mm
Flourido : Printèms - Estiéu

Sòu : Si
Autour basso e auto : 1200 à 2500 m
Aparado : Vo
Jun à avoust

Liò : Pelouso - Champino - Prado à rousage
Estànci : Mountagnard à Aupen
Couroulougi : Éurasiatico
Ref. sc. : Pseudorchis albida (L.) Á.Löve & D.Löve, 1969

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Allium ursinum & Pseudorchis albida

ges

Coumpara Aiet-bastard emé uno autro planto

Coumpara Gau(-blancas) emé uno autro planto