Famiho : Amaryllidaceae, i'a 31 meno.

Pèr counèisse e recounèisse li planto d'encò nostre

Lis Amaryllidaceae, que caupon à l'ouro d'aro de Liliaceae, soun d'erbo renadivo emé de cabosso (1), sènso péu e qu'an de flour au bout de cambo sènso fueio. Aquéli soun tóuti à la baso.

Li flour, enveloupado dins de couteliero, soun en oumbello (Allium-2) o soulitàri (Narcissus-3). Soun pulèu regulièro emé sièis tepalo (4, 7, 8). De nouta qu'encò Narcissus, i'a uno courouno (6) entre li tepalo e lis estamino (3).

S'atrobo sièis estamino (7).

L'óuviero èi dessouto li tepalo encò Narcissus (3) mai dessubre encò Allium (4). Dins lis aiet, i'a souvènti-fes, à la plaço de flour, dins l'oumbello, de bousseleto que podon toumba pèr douna de planto nouvello (2).

Lou fru es un boursèu di pichot pèr lis aiet e di tres partido (4).