Famiho : Orchidaceae, i'a 66 meno.

Pèr counèisse e recounèisse li planto d'encò nostre

Lis Orchidaceae soun d'erbo renadivo emé de racino tuberouso o de rizomo, o qu'an à la baso de cambo boudenflado que dounon d'èr à-n-uno cabosso.

Li fueio emé de costo paralèlo soun estigançado en espiralo.

L'ourganisacioun de la flour (1), en raport emé la poulenisacioun pèr li tavan, es un pau particuliero. I'a tres sepalo (12) que sèmblon, de cop que i'a, i dos petalo d'en aut (13). La petalo d'en bas (labreto-7) èi en generau mai grando, forço acoulourido e que, souvènti fes, douno d'èr à-n-uno bestiouno (coume l'erbo-à-l'abiho).

Lis estamino e l'estigmate soun pourta pèr uno coulouno au founs de la flour (9). I'a dos boulo cirouso que caupon l'agriero (5). L'óuviero, dessouto li sepalo, èi torso (8, 10).

Lou fru es un boursèu di tres partido (3), que caup de grano mistoulino (4).