Plantun de Prouvènço

Pèr coumpara dos planto d'encò nostre

Urtica urens & Scabiosa columbaria

Ourtigo-brulanto

Urtica urens

Urticaceae

Àutri noum : Ourtigo-menudo, Urtìo-greiseisso, Ourtigo.

Noms en français : Ortie brûlante, Petite Ortie.

Descripcioun :
Aquesto ourtigo se destrìo de la mai coumuno (l'ourtigano) qu'èi bèn mai pichoto, si fueio soun tant largo que longo e fai de flour en grapo simplo e pas tant longo. L'ourtigo-menudo se derraba eisamen qu'es uno planto annalo au contro de U. dioica.

Usanço :
Coume devès lou saupre, li jouìni fueio d' ourtigo soun bono à manja, un pau coume d'espinarc, mai peréu en soupo, purèio, ensalado. L'ourtigo-menudo èi vertuouso contro li proublèmo de ren e li mau d'os (tisano vo loucioun). A passa tèms se dounavo i gabre (M.) e i galino. A Bedouin, se fasié uno maceracioun d'ourtigo pèr lucha contro li nieroun ço que se fai tourna mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Urtica
Famiho : Urticaceae

Ordre : Rosales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1700 m
Aparado : Noun

Liò : Escoumbre e proche dis oustau - Champ
Estànci : Pancaro entresigna
Couroulougi : Pancaro entresigna
Ref. sc. : Urtica urens L., 1753

Móutounet

Scabiosa columbaria

Caprifoliaceae Dipsacaceae

Nom en français : Scabieuse colombaire.

Descripcioun :
Lou móutounet, es uno planto coumuno. Trachis dins li relarg un pau fres en plano e li mitan pu secarous en mountagno. Coume tóuti lis escabiouso, li flour an 5 petalo e d'arèsto dins li "capitule". Justamen, eici, lis arèsto soun longo ço que lou destrìo de Scabiosa triandra. Li fueio basalo en espatulo soun peludo sus lou dessubre, au contro de Scabiosa lucida.

Usanço :
Li fueio soun manjadisso mai proun amaro.

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Scabiosa
Famiho : Caprifoliaceae
Famiho classico : Dipsacaceae

Ordre : Dipsacales

Coulour de la flour : Vióuleto
Petalo : 5
Ø (o loungour) flour : 2 à 2,5 cm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun
Remarco : S. lucida x S. triandra
Mai à óutobre

Liò : Pelouso - Prado umido - Roucas
Estànci : Mesoumediterran à Mountagnard
Couroulougi : Éurasiatico
Ref. sc. : Scabiosa columbaria L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

CCC

Urtica urens & Scabiosa columbaria

Coumpara Ourtigo-brulanto emé uno autro planto

Coumpara Móutounet emé uno autro planto