Plantun de Prouvènço

Pèr coumpara dos planto d'encò nostre

Teucrium lucidum & Valeriana officinalis subsp. sambucifolia

Teucrium lucidum

Lamiaceae Labiaceae

Nom en français : Germandrée brillante.

Descripcioun :
Lou calamandrié-lusènt sèmblo proun à l'erbo-dóu-pichot-chaine. Pamens èi mai grand, sènso péu (aleva sus li petalo), emé de fueio lusènto. La fueio peréu èi pas descoupado dóu meme biais. Trachis dins li relarg ensouleia de roucaio, roucas de basso e mejano mountagno.

Usanço :
Couneissèn pas d'usanço particuliero pèr aquelo planto. Ei bessai vertuous dóu meme biais que lou pichot-chaine. Escriéure au site se n'en sabès mai.

Port : Pichoto planto lignouso
Taio : 20 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Esboudèu - Roucaio
Estànci : Subremediterran à Subaupen
Couroulougi : Pancaro entresigna
Ref. sc. : Teucrium lucidum L., 1759

Valeriano

Valeriana officinalis subsp. sambucifolia

Caprifoliaceae Valerianaceae

Noms en français : Valériane à feuilles de sureau, Valériane officinale.

Descripcioun :
La valeriano es uno grando planto (1,5 à 2,5 m) que trachis dins li relarg mountagnous. Se recounèis à si fueio coumpausado (la souleto espèci coume acò) ; li d'en bas an de 5 à 9 fuioun en formo de lanço e denta. Se destrìo de Valeriana officinalis subsp. officinalis pèr lou noumbre de fueioun e la loungour de la corollo qu'èi mai longo (> 5mm).

Usanço :
La planto èi couneigudo despièi li Grè pèr èstre proun vertuouso majamen contro li proublèmo de som, d'ànci, de reboulimen, pèr apasima li nèrvi e autre. Ei subretout la racino que s'utiliso (en tisano).