Plantun de Prouvènço

Pèr coumpara dos planto d'encò nostre

Symphytum caucasicum & Ophrys exaltata

Symphytum caucasicum

Boraginaceae

Nom en français : Consoude du Caucase.

Descripcioun :
La counsolo-de-Caucaso es uno planto de jardin au nostre, e que s'escapo raramen. Pamens se pòu trouba d'aqui, d'eila, proche d'oustau. La flour, pulèu largo, èi bluio après èstre vióuleto.

Usanço :
Coume lis àutri counsolo, vau miés la pas manja que caup d'alcalouïdo empouissounant pèr lou fege. Es uno planto vertuouso qu'èi poussible d'utilisa en emplastre contro d'ùni proublèmo de pèu (macaduro, blaveiròu, e subretout li bruladuro), de muscle, d'articulacioun, d'estorso ....

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphytum
Famiho : Boraginaceae

Coulour de la flour : Bluio
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Champ - Camin
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphytum caucasicum M. Bieb

Aragno(-enaussado)

Ophrys exaltata

Orchidaceae

Nom en français : Ophrys élevé.

Descripcioun :
L'aragno-enaussado flouris pulèu d'ouro dins li tepiero, ermas e en ribo de camin. Si sepalo, quouro verdo, quouro roso, soun oundado e à bord paralèlo e sa labreto óuvalo e brunello èi longo de 9 à 13 mm, sènso gibeto. Lou "champ basau" de la labreto (en aut !) èi de la memo coulour que lou soubre, au contro de l'aragno-de-Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : 2 à 2,5 cm
Flourido : Printems

Sòu : Ca
Autour basso e auto : Pancaro entresigna
Aparado : Noun
Mars à mai

Liò : Ermas - Tepiero seco - Camin
Estànci : Termoumediterran à Subremediterran
Couroulougi : Estenoumediterrano-Nord-Ouèst
Ref. sc. : Ophrys exaltata Ten., 1819

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Symphytum caucasicum & Ophrys exaltata

ges

Coumpara Counsolo-(dóu-Caucase) emé uno autro planto

Coumpara Aragno(-enaussado) emé uno autro planto