Plantun de Prouvènço

Pèr coumpara dos planto d'encò nostre

Salicornia procumbens & Juncus striatus

Engano(-clino)

Salicornia procumbens

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne couchée.

Descripcioun :
Es uno engano de l'an e noun renadivo au contro di gènre proche Arthrocnemum e Sarcocomia. Adounc fai pas de bouissoun e s'atrobo pulèu dins li relarg sala mai dubert. Lis estamino sorton un pau e li tres flour de cade tros soun quàsi de la meme taio, aquelo dóu mitan un pau mai grando pamens (fotò e dessin). De coumpara emé Salicornia europea.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Erbo
Taio : A
Fueio : ges
Tipe bioulougico : Teroufite
Cicle bioulougico : Planto de l'an

Gènre : Salicornia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : TER
Ref. sc. : Salicornia procumbens Sm., 1813

Jounc(-rega)

Juncus striatus

Juncaceae

Nom en français : Jonc strié.

Descripcioun :
Lou jounc-rega trachis en ribo de ribiero, dins li mueio e li pelouso bagnado. Fai un pau pensa au jounc-nousa, Juncus articulatus, subretout la meno emé de gròssi tèsto. Pamens se recounèis à si cambo e fueio regado (fotò), si tepalo e soun boursèu mai lounginèu, e peréu si grano pu longo e mens plato.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Si (Ca)
Autour basso e auto : 0 à 400 m
Aparado : Noun
Mai à avoust

Liò : Ribiero - Mueio - Pelouso bagnado
Estànci : Termoumediterran à Subremediterran
Couroulougi : Mediterranenco-Atlantico
Ref. sc. : Juncus striatus Schousb. ex E.Mey., 1822

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Salicornia procumbens & Juncus striatus

ges

Coumpara Engano(-clino) emé uno autro planto

Coumpara Jounc(-rega) emé uno autro planto