Famiho : Amaranthaceae, i'a 39 meno.

Pèr counèisse e recounèisse li planto d'encò nostre

Lis Amaranthaceae (famiho de la bledo) soun d'erbo aleva de quàuqui meno de l'anciano famiho di Chenopodiaceae que soun d'aubret (Bouis-blanc).

An majamen li fueio alterno (5).

Li flour soun reguliero, pichoto, verdo e en generau ermafroudito (6, 9).

I'a ges de sepalo e de petalo, se parlo de periante simple. Aquéu, en tres, quatre o cinq partido (3), èi se e membranous e soubro en s'alargant quouro i'a lou fru (Chenopodiaceae : 7, 8).

En generau se retrobon cinq estamino (9) e dous o tres estile (1, 2, 7).

Lou fru caup uno souleto grano (4).

Souvènti-fes soun de planto de mitan sala (mar, sansouiro), proche dis oustau e d'escoumbre.