Long-bè-de-vilasso
Rhynchostegium megapolitanum
Brachytheciaceae
Nom en français : Long-bec-de-ville .
Descripcioun :Aquelo mousso pluroucarpo de taio mejano trachis en tepiero molo pulèu verdo-jaunastro e esbrihanto sus la sablo, lou sòu roucaious bagna e la ligno pourido. Se rescontro tambèn sus li bord di camin e li vièii muraio de vilo. Se recounèis subretout à si fueio redouno à la baso e que devènon pounchudo subretout aquéli pas ramealo. La costo larjo de 0,05 mm disparèi devers li 3 part 2 de la fueio. Se li celulo basalo soun en reitanglo, aquéli dóu mitan soun en long emé li bout en bisèu. L'urno èi pulèu ourizoutalo e curvo, couifado pèr un tapadou loungamen roustra (fotò). La planto èi proutejido sus listo roujo, categourìo LC, es à dire soucit minour.
Usanço :Se pòu engana emé d'à utri mousso pluroucarpo dóu meme gènre e di gènre proche.
Port : Pluroucarpo
Taio : 2 Ã 10 cm
Fueio : 1,8 Ã 2,2 mm
Tipe bioulougico :
Cicle bioulougico : Planto renadivo
Gènre : Rhynchostegium
Famiho : Brachytheciaceae
Ordre : Hypnales
Coulour de la flour :
Petalo : 1,5 Ã 3 cm
Ø (o loungour) flour : Coumplet
Flourido :
Ivèr
Sòu : Ca Si
Autour basso e auto : 10 Ã 1800 m
Aparado : Noun
Desèmbre à mars
Liò : Sablo
- Sòu roucaious
- Camin
- Ligno pourido
Estànci : Mesoumediterran à Mountagnard
Couroulougi : Mieterrano
e Oulartico
Ref. sc. : Rhynchostegium megapolitanum (Blandow ex F.Weber & D.Mohr) Schimp., 1852
(= Eurhynchium megapolitanum (Blandow ex F.Weber & D.Mohr) Milde, 1869 = Brachythecium cardotii H.Winter, 1914 )
Faus-féuse-de-cabro
Dryopteris affinis
Dryopteridaceae
Noms en français : Dryoptéris voisin, Fausse Fougère mâle.
Descripcioun :Lou faus-féuse-de-cabro trachis dins li gaudre umide, lis esboudèu e li relarg à rousage, subretout en mountagno dins lis Aup marino. Es uno planto que sèmblo proun au féuse-de-cabro, Dryopteris filix-mas, mai li foundo rèston mai o mens dóu tèms de l'ivèr. I'a mai d'escaume e que soun pu sourno sus lou pecou e li rastèu di foundo. Peréu li peno soun mens dentado e subretout se vèi uno taco sourno sus lou rastèu à la baso di peno (fotò). Coumpara emé lou féuse-de-cabro que ié sèmblo proun.
Usanço :Proche dóu féuse-de-cabro, Dryopteris filix-mas, n'en a bessai li mémis usanço.
Port : Grando erbo
Taio : 40 Ã 120 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo
Gènre : Dryopteris
Famiho : Dryopteridaceae
Ordre : Polypodiales
Coulour de la flour :
Ges de flour
Petalo : ges
Ø (o loungour) flour : Ges de flour
Flourido :
Estiéu - Autouno
Sòu : Si
Autour basso e auto : 0 Ã 2200 m
Aparado : Noun
Juliet à setèmbre
Liò : Relarg à rousage
- Gaudre
- Esboudèu
Estànci : Coulinen à Subaupen
Couroulougi : Éurasiatico
Ref. sc. : Dryopteris affinis (Lowe) Fraser-Jenk., 1979