Long-bè-de-vilasso / Rhynchostegium megapolitanum

Long-bè-de-vilasso

Rhynchostegium megapolitanum

Brachytheciaceae

Nom en français : Long-bec-de-ville .

Descripcioun :
Aquelo mousso pluroucarpo de taio mejano trachis en tepiero molo pulèu verdo-jaunastro e esbrihanto sus la sablo, lou sòu roucaious bagna e la ligno pourido. Se rescontro tambèn sus li bord di camin e li vièii muraio de vilo. Se recounèis subretout à si fueio redouno à la baso e que devènon pounchudo subretout aquéli pas ramealo. La costo larjo de 0,05 mm disparèi devers li 3 part 2 de la fueio. Se li celulo basalo soun en reitanglo, aquéli dóu mitan soun en long emé li bout en bisèu. L'urno èi pulèu ourizoutalo e curvo, couifado pèr un tapadou loungamen roustra (fotò). La planto èi proutejido sus listo roujo, categourìo LC, es à dire soucit minour.

Counfusioun :
Se pòu engana emé d'àutri mousso pluroucarpo dóu meme gènre e di gènre proche.

Bioulougìo - Usanço - Classificacioun

Port : Pluroucarpo
Taio : 2 à 10 cm
Fueio : 1,8 à 2,2 mm
Planto : Autouïco
Cicle bioulougico : Planto renadivo
Fourestiero : Noun

Urno : 1,5 à 2 mm
Sedo : 1,5 à 3 cm
Peristome : Coumplet
Espouroufite : Ivèr
Desèmbre à mars
Aparado : Listo roujo

Empouisounanto : Noun
Manjadisso : Noun

Vertuouso : Noun

Gènre : Rhynchostegium
Famiho : Brachytheciaceae
Ordre : Hypnales
Filougenìo : Bryophyta

Ref. sc. : Rhynchostegium megapolitanum (Blandow ex F.Weber & D.Mohr) Schimp., 1852 (= Eurhynchium megapolitanum (Blandow ex F.Weber & D.Mohr) Milde, 1869 = Brachythecium cardotii H.Winter, 1914 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Long-bè-de-vilasso emé uno autro planto

Plantun de Prouvènço

Pèr counèisse e recounèisse li planto d'encò nostre

Uno questioun, uno remarco...