Plantun de Prouvènço

Pèr coumpara dos planto d'encò nostre

Persicaria amphibia & Hieracium stelligerum

Persicaria amphibia

Polygonaceae

Noms en français : Renouée amphibie, Persicaire amphibie.

Descripcioun :
Planto renadivo raro que trachis dins li relarg bagna de plano. Si fueio soun proun chanjadisso seguènt que siegon dins l'aigo o dins l'èr. Dins l'aigo dounon d'èr à li dis espigo-d'aigo, Potamogeton, alor que dins l'èr soun mai pounchudo emé de péu (fotò). L'enflourejado èi bèn aquelo di Persicaria.

Usanço :
Sara peréu escricho dins quàuqui tèms.

Port : Erbo
Taio : 20 à 60(150) cm
Fueio : alterno
Tipe bioulougico :
Cicle bioulougico : Planto renadivo

Gènre : Persicaria
Famiho : Polygonaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 2200 m
Aparado : Noun

Liò : Aigo - Roubino
Estànci : Mesoumediterran à Coulinen
Couroulougi : Pancaro entresigna
Ref. sc. : Persicaria amphibia (L.) Gray, 1821 (= Polygonum amphibia L., 1753 )

Esparello(-di-péu-estela)

Hieracium stelligerum

Asteraceae Compositae

Nom en français : Épervière à poils étoilés.

Descripcioun :
Aquesto esparello, endemico dóu miejour de Franço, trachis sus li roucas de Vau-Cluso. Se recounèis majamen à si péu estela sus lou dessubre di fueio, ço que ié douno uno coulour grisasso. Li fueio podon èstre tacado e bourdado de péu. De nouta que trachis dins li Mount de Vau-Cluso uno meno apoumictico, caupudo dins Hieracium stelligerum, e que ié dison Hieracium girerdii (en l'ounour de B. Girerd, grand boutanisto vauclusian).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 20 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Endemico dóu miejour de Franço
Abriéu à jun

Liò : Roucas - Esboudèu - Bau - Roucaio
Estànci : Mesoumediterran à Subremediterran
Couroulougi : Éuropo-Ouèst
Ref. sc. : Hieracium stelligerum Froël., 1838

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Persicaria amphibia & Hieracium stelligerum

ges

Coumpara Sagnouso(-anfibìo) emé uno autro planto

Coumpara Esparello(-di-péu-estela) emé uno autro planto