Plantun de Prouvènço

Pèr coumpara dos planto d'encò nostre

Parietaria officinalis & Cyanus segetum

Parietaria officinalis

Urticaceae

Nom en français : Pariétaire officinale.

Descripcioun :
Aquesto espargoulo, Parietaria officinalis, que trachis souto li bos proche d'aigo (ripilsivo) es estado de tèms counfoundudo emé l'espargoulo que vèn dins li paret, l'erbo-de-paret, Parietaria judaica. Pamens èi bèn mai grando dins tóuti si partido, majamen si fueio proun longo e acabado pèr un tros fin. Coumpara emé l'espargoulo que ié sèmblo.

Usanço :
Estènt mai raro, sèmblo pas que siegue estado utilisado en Prouvènço au contro de Parietaria judaica que devrié pourta soun noum. Pamens a li mémis usanço que sa cousino. De nouta que douno mens d'alergìo.

Port : Grando erbo
Taio : 40 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Parietaria
Famiho : Urticaceae

Ordre : Rosales

Coulour de la flour : Blanco
Petalo : 5
Ø (o loungour) flour : 0,5 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Ribiero - Bos umide
Estànci : Coulinen à Mountagnard
Couroulougi : Éurasiatico
Ref. sc. : Parietaria officinalis L., 1753

Blavet

Cyanus segetum

Asteraceae Compositae

Àutri noum : Douçagno, Bluiet, Blaveto, Blaveirolo, Bóumiano.

Noms en français : Bleuet, Audifoin.

Descripcioun :
Lou blavet trachis dins li champ de cerealo. Emai siegue proun couneigu èi pulèu rare dins li relarg de coustiero. Fai de poulìdi flour bluio (coumpausado), li fueio soun cuberto de póusso blanco. A l'ouro d'aro èi samena dins li prado flourido.

Usanço :
Li flour e jòuini fueio se manjon en ensalado. Lou blavet èi pulèu couneigu pèr si vertu. Lucho contro l'inflamacioun, èi bon contro li proublèmo de digestioun (en tisano) e ajudo à pissa. Poudès vous n'en servi pèr apasima la pèu.

Port : Erbo
Taio : 15 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Cyanus
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Bluio
Petalo : >6
Ø (o loungour) enflourejado : 2,5 à 3,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello
Mai à juliet

Liò : Champ
Estànci : Mesoumediterran à Subaupen
Couroulougi : Subrecousmoupoulito
Ref. sc. : Cyanus segetum Hill, 1762 (= Centaurea cyanus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Parietaria officinalis & Cyanus segetum

ges

Coumpara Espargoulo(-de-bos) emé uno autro planto

Coumpara Blavet emé uno autro planto