Plantun de Prouvènço

Pèr coumpara dos planto d'encò nostre

Orchis militaris & Dysphania botrys

Grosso-taverniero

Orchis militaris

Orchidaceae

Autre noum : Bringasso.

Noms en français : Orchis guerrier, Orchis casqué.

Descripcioun :
La grosso-taverniero dóu gènre Orchis, trachis dins li prado e pelouso pulèu umido. Bèn mens coumun que lou galet, Orchis purpurea, se n'en destrìo bonodi sa labreto mai primo e à soun casque pu clar (sourne encò dóu galet). Coumpara emé lis àutri gau coume Orchis simia qu'a li coustat de la labreto croucu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Orchis
Famiho : Orchidaceae

Ordre : Asparagales

Coulour de la flour : Roujo
Petalo : irreguliero
Ø (o loungour) flour : 15 à 20 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Vo
Mai à juliet

Liò : Prado - Pelouso
Estànci : Mesoumediterran à Mountagnard
Couroulougi : Éurasiatico
Ref. sc. : Orchis militaris L., 1753

Erbo-de-bou

Dysphania botrys

Amaranthaceae Chenopodiaceae

Àutri noum : Erbo-di-tigno, Seniscle-óudourous, Erbo-dóu-cor.

Noms en français : Ansérine botryde, Chénopode à grappes.

Descripcioun :
L'erbo-de-bou o peréu di-tigno trachis dins li limas de ribiero, lis escoumbre o lis ermas. Es uno planto que fai de pichòti flour en boulo e que se recounèis subretout qu'èi di proun pegouso (planto glandulouso) emé uno forto óudour. Pèr d'ùni empèsto (erbo-de-bou), alor que pèr d'autre l'óudour es agradivo (seniscle-óudourous).

Usanço :
La planto èi manjadisso e poudès vous n'en servi coume sabourun. D'après soun noum, devié servi contro li tigno. Cazin dins soun Traité des plantes médicinales, 1868, raporto d'ùni prouprieta, subretout contro lou tussi (espetouranto).

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Dysphania
Famiho : Amaranthaceae
Famiho classico : Chenopodiaceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 1,5 mm
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun
Jun à óutobre

Liò : Limas - Escoumbre e proche dis oustau - Ermas - Ribiero
Estànci : Termoumediterran à Subremediterran
Couroulougi : Éurasiatico
Ref. sc. : Dysphania botrys (L.) Mosyakin & Clemants, 2002 (= Chenopodium botrys L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Orchis militaris & Dysphania botrys

ges

Coumpara Grosso-taverniero emé uno autro planto

Coumpara Erbo-de-bou emé uno autro planto