Plantun de Prouvènço

Pèr coumpara dos planto d'encò nostre

Oenothera villosa & Hieracium picroides

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.

Port : Grando erbo
Taio : 0,3 à 2 m
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Oenothera
Famiho : Onagraceae

Coulour de la flour : Jauno
Petalo : 5
Ø (o loungour) flour : 2 à 4 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Ermas - Camin - Sablo
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Oenothera villosa Thunb., 1794

Esparello(-fausso-escuro-gorjo)

Hieracium picroides

Asteraceae Compositae

Nom en français : Épervière fausse picride.

Descripcioun :
Aquesto esparello trachis dins li pelouso e champino de mountagno sus sòu séusous. Se recounèis majamen à soun enflourejado pulèu grosso e jauno citroun, emé de bratèio fino cuberto de péu negrous e glandoulous (e de péu estela). Li fueio embrasson la cambo e an quàuqui péu glangoulous sus li bord (coume la seicioun Amplexicaulia), pamens i'a eici quàsi ges de péu entre li trauquihoun dóu recetacle.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 2,5 cm
Flourido : Estiéu

Sòu : Si
Autour basso e auto : 1600 à 2600 m
Aparado : Noun
Juliet à avoust

Liò : Pelouso - Champino
Estànci : Subaupen à Aupen
Couroulougi : Endemico Aup
Ref. sc. : Hieracium picroides Vill., 1812

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oenothera villosa & Hieracium picroides

ges

Coumpara Rougeto(-peludo) emé uno autro planto

Coumpara Esparello(-fausso-escuro-gorjo) emé uno autro planto