Plantun de Prouvènço

Pèr coumpara dos planto d'encò nostre

Lythrum salicaria & Taraxacum rubicundum

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Pisso-chin(-rouge)

Taraxacum rubicundum

Asteraceae Compositae

Àutri noum : Pisso-chin, Pisso-can, Pisso-au-lié, Mourre-pourcin, Cicourèio-de-prat.

Nom en français : Pissenlit rouge.

Descripcioun :
Lou pisso-chin rouge èi lou mai coumun di pisso-can dóu group ERYTHROSPERMA qu'an li fru rouge, li bratèio banarudo (fotò) e li fueio descoupado e sènso alo. Trachis dins li tepiero secarouso de nòsti colo, sus cauquié. Pèr èstre segur de la determinacioun fau verifia que lis akène fagon de 2,8 à 4 mm.

Usanço :
Li pisso-chin soun de bònis ensalado champanello. Fan pissa e ajudon à la digestioun.

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Taraxacum
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >5
Ø (o loungour) enflourejado : 11 à 20 mm
Flourido : Printèms Ivèr

Sòu : Ca
Autour basso e auto : 0 à 2200 m
Aparado : Noun
Remarco : Ensalado champanello
Mars à mai

Liò : Tepiero seco - Roucaio - Ermas - Champ
Estànci : Mesoumediterran à Subaupen
Couroulougi : Éuropenco
Ref. sc. : Taraxacum rubicundum (Dahlst.) Dahlst., 1906

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Lythrum salicaria & Taraxacum rubicundum

CCC

Coumpara Tè-di-paure emé uno autro planto

Coumpara Pisso-chin(-rouge) emé uno autro planto