Plantun de Prouvènço

Pèr coumpara dos planto d'encò nostre

Limonium girardianum & Saxifraga cuneifolia

Limonium girardianum

Plumbaginaceae

Noms en français : Saladelle de Girard, Statice de Girard.

Descripcioun :
Aquesto saladello, pas bèn grando, a de fueio un pau largo e espatulado. Pèr ço que toco li flour, fau bèn regarda se lis espigo an mai de 8 espigueto pèr cm e apignelado sus dos renguiero. I'a pas gaire de ramo esterlo dins aquelo meno. Es uno planto proumiero à trachi dins lis anciàni salino. La planto es aparado categourìo LC, valènt à dire soucit minour.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci :
Couroulougi : Pancaro entresigna
Ref. sc. : Limonium girardianum (Guss.) Fourr.

Sassifrago(-di-fueio-en-cougnet)

Saxifraga cuneifolia

Saxifragaceae

Autre noum : Sassifrajo.

Noms en français : Saxifrage à feuilles en coin, Désespoir du peintre.

Descripcioun :
Aquesto sassifrago trachis en mountagno souto lis aubre, à la sousto dóu soulèu ; fai de coulounìo. Es uno planto coumuno dins lis Aup marino (subsp. cuneifolia) pu raro en deforo. Se recounèis pulèu eisadamen à sa fausso rouseto de fueio en cougnet e à sa cambo nuso que porto quàuqui flour blanco tacado de jauno e de pau-duro. Li fueio soun bourdado d'uno cimousso escariouso blanco de 0,1 mm de larg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : 0,5 à 0,8 cm
Flourido : Printèms - Estiéu

Sòu : Si (Ca)
Autour basso e auto : 600 à 2300 m
Aparado : Noun
Mai à juliet

Liò : Bos fres - Roucas à l'oumbro
Estànci : Mountagnard à Subaupen
Couroulougi : Ouroufito-Sud-Éuroupenco
Ref. sc. : Saxifraga cuneifolia L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Limonium girardianum & Saxifraga cuneifolia

ges

RRR

ges

Coumpara Saladello(-de-Girard) emé uno autro planto

Coumpara Sassifrago(-di-fueio-en-cougnet) emé uno autro planto