Plantun de Prouvènço

Pèr coumpara dos planto d'encò nostre

Inula montana & Cerastium fontanum

Faus-arnica

Inula montana

Asteraceae Compositae

Autre noum : Arnica.

Nom en français : Inule des montagnes.

Descripcioun :
Dins Ventour ié dison arnica à Inula montana, O. Madon, op.cit. p. 105. I'avèn mes lou noum de faus-arnica pèr lou destria de Arnica montana que ié dison peréu estournigo. Se recounèis à si fueio un pau torso e di proun pelouso. Coumpara emé l'estournigo que trachis mai en mountagno.

Usanço :
Emai siegue pas lou vertadié arnica, aquest a li mémi prouprieta, majamen contro li macaduro : "Te tiro lou sang caia", O. Madon, ib. Fau faire macera li flour fresco dins de l'aigardènt. Ei vertuous peréu contro li bruladuro e li plago.

Port : Erbo
Taio : 10 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Inula
Famiho : Asteraceae
Famiho classico : Compositae
Tribu : Inuleae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Roucaio - Tepiero seco
Estànci : Mesoumediterran à Mountagnard
Couroulougi : Pancaro entresigna
Ref. sc. : Inula montana L., 1753

Ceraiste(-di-font)

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.