Plantun de Prouvènço

Pèr coumpara dos planto d'encò nostre

Hypecoum pendulum & Tragopogon pratensis subsp. pratensis

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Barbabou-de-prat

Tragopogon pratensis subsp. pratensis

Asteraceae Compositae

Àutri noum : Barbabou, Coucourèu, Bouchino.

Nom en français : Salsifis des prés.

Descripcioun :
Lou barbabou-de-prat, encaro apela coucourèu, es uno grando erbo di flour coumpausado jauno. Se destrìo de la subsp. orientalis que fai de flour coumpausado que li ligulo soun un pau pu courto que li bratèio. E peréu a pas un pecou espés e boutis souto la flour coume Tragopogon dubius. Coumpara emé lou coucourèu o la subsp. orientalis.

Usanço :
Poudès acampa li jóuini fueio pèr vosto ensalado champanello. Sa racino se manjo crudo vo cuecho, èi richo en inulino qu'ajudo à la digestioun. Ei bon contro lis artèri tapado, la pisso-douço (diabèto) e l'ipertesuro.

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Tragopogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Champ - Prado umido
Estànci : Mesoumediterran à Subaupen
Couroulougi : Pancaro entresigna
Ref. sc. : Tragopogon pratensis subsp. pratensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Hypecoum pendulum & Tragopogon pratensis subsp. pratensis

ges

Coumpara Cumin(-pendoulant) emé uno autro planto

Coumpara Barbabou-de-prat emé uno autro planto