Plantun de Prouvènço

Pèr coumpara dos planto d'encò nostre

Hesperis matronalis & Tragopogon pratensis subsp. pratensis

Juliano

Hesperis matronalis

Brassicaceae Cruciferae

Àutri noum : Cassouleto, Joulieto, Jouliano, Jouriano.

Nom en français : Julienne des dames.

Descripcioun :
La juliano es uno grando planto emé de flour quouro blanco, quouro vióuleto, segound li pèd. Li fueio soun peréu proun chanjadisso, mai o mens pelouso. Se recounèis à si grapo de flour que li petalo soun quàsi redouno e à si boudousco sus li coustat e pulèu torso. Es uno planto naturalamen raro en Prouvènço que recerco li relarg umido, mai de cop que i'a naturalisado à parti de grano ourticolo.

Usanço :
Li flour e li jòuini flour se manjon en ensalado. Se fai un òli emé li grano. Ei tambèn uno planto vertuouso contro lou tussi, lou mau-de-terro, lou prussi e qu'ajudo à pissa.

Port : Grando erbo
Taio : 30 à 80 (100) cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hesperis
Famiho : Brassicaceae
Famiho classico : Cruciferae

Coulour de la flour : Vióuleto
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Valoun umide - Colo
Estànci : Mountagnard
Couroulougi : Pancaro entresigna
Ref. sc. : Hesperis matronalis L., 1753

Barbabou-de-prat

Tragopogon pratensis subsp. pratensis

Asteraceae Compositae

Àutri noum : Barbabou, Coucourèu, Bouchino.

Nom en français : Salsifis des prés.

Descripcioun :
Lou barbabou-de-prat, encaro apela coucourèu, es uno grando erbo di flour coumpausado jauno. Se destrìo de la subsp. orientalis que fai de flour coumpausado que li ligulo soun un pau pu courto que li bratèio. E peréu a pas un pecou espés e boutis souto la flour coume Tragopogon dubius. Coumpara emé lou coucourèu o la subsp. orientalis.

Usanço :
Poudès acampa li jóuini fueio pèr vosto ensalado champanello. Sa racino se manjo crudo vo cuecho, èi richo en inulino qu'ajudo à la digestioun. Ei bon contro lis artèri tapado, la pisso-douço (diabèto) e l'ipertesuro.

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Tragopogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Champ - Prado umido
Estànci : Mesoumediterran à Subaupen
Couroulougi : Pancaro entresigna
Ref. sc. : Tragopogon pratensis subsp. pratensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Hesperis matronalis & Tragopogon pratensis subsp. pratensis

ges

RRR

ges

Coumpara Juliano emé uno autro planto

Coumpara Barbabou-de-prat emé uno autro planto