Plantun de Prouvènço

Pèr coumpara dos planto d'encò nostre

Fissidens dubius & Pilosella lactucella

Fissidens dubius

Fissidentaceae

Nom en français : Fissident crête-de-coq.

Descripcioun :
Aquelo mousso dóu gènre Fissidens (peristome divisa, vèire li fotò) trachis sus li roco cauquiero e de cop que i'a au sòu. Es uno mousso pulèu pichoto auto de 1 à 3 cm. Fai partido dóu group qu'a ges de lòngui celulo sus lou bord de la fueio (fotò), pamens se vèi bèn uno bando de 3 à 4 cellulo pu claro. Se recounèis tambèn à sa pouncho de fueio emé un benc e que la costo s'acabo just avans lou bout (fotò). Es couneigudo pèr pas faire trop d'espouroufite, pamens sèmblo pas trop lou cas au nostre.

Usanço :
Se pòu counfoundre emé d'àutri meno dóu meme gènre subretout Fissidens taxifolius qu'a pas lou bout de fueio denta d'un biais irregulié e peréu que la costo vai fin qu'au bout dóu bènc (de vèire au microuscope).

Port : Acroucarpo
Taio : 1 à 3 cm
Fueio : 1,5 à 3 mm
Tipe bioulougico :
Cicle bioulougico : Planto renadivo

Gènre : Fissidens
Famiho : Fissidentaceae

Ordre : Dicranales

Coulour de la flour :
Petalo : 0,2 à 0,8 cm
Ø (o loungour) flour : Divisa
Flourido : Printèms Ivèr

Sòu : Ca
Autour basso e auto : 50 à 2000 m
Aparado : Noun
Mars à abriéu

Liò : Roco - Sòu
Estànci : Mesoumediterran à Subaupen
Couroulougi : Mieterrano e Oulartico
Ref. sc. : Fissidens dubius P.Beauv., 1805

Peludello(-di-fueio-de-lachugo)

Pilosella lactucella

Asteraceae Compositae

Nom en français : Piloselle auricule.

Descripcioun :
La peludello-di-fueio-de-lachugo trachis dins li pelouso e li prado pulèu umido. Rebalo au sòu emé d'estouloun i pichòuni fueio un pau luechenco e de mai en mai grando vers lou bout. Se recounèis subretout qu'a de fueio verdalo sènso péu aleva sus li bord. La planto èi proutejido sus listo roujo, categourìo LC, es à dire soucit minour. La subsp. que trachis au nostre ié dison lactucella.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 6 à 8 mm
Flourido : Printèms - Estiéu

Sòu : Si
Autour basso e auto : 0 à 2300 m
Aparado : Noun
Mai à avoust

Liò : Pelouso - Prado - Ribo
Estànci : Subremediterran à Aupen
Couroulougi : Éurasiatico
Ref. sc. : Pilosella lactucella (Wallr.) P.D.Sell & C.West, 1967 (= Hieracium lactucella Wallr. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fissidens dubius & Pilosella lactucella

CCC

Coumpara Mousso-divisado-doutouso emé uno autro planto

Coumpara Peludello(-di-fueio-de-lachugo) emé uno autro planto