Petugo(-negrinello)
Festuca nigrescens
Poaceae Graminaceae
Nom en français : Fétuque noirâtre.
Descripcioun :La petugo-negrinello trachis dins li bos e tepiero un pau umido de mountagno. Se recounèis à sa souco en mato, si fueio redounello emé de pichòti costo, e à sis enflourejado en paumo laco emé d'espigueto pas trop grosso, un pau rougineto e que porton uno pichoto arèsto. Fai parti dóu group Festuca rubra s.l. que la fueio en coupo èi de formo pouligounalo (dessin). Se destrìo de la festuco-roujo que fai de mato e pas de rizoumo ; èi peréu mens roujo. Coumpara emé la festuco-roujo.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 20 à 90 (120) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Festuca
Famiho : Poaceae
Famiho classico : Graminaceae
Ordre : Poales
Coulour de la flour :
Vióuleto
Petalo : ges
Ø (o loungour) flour : Pancaro entresigna
Flourido : Printèms
- Estiéu
Sòu : Ca
Autour basso e auto : 0 à 2300 m
Aparado : Noun
Liò : Prado umido
- Ribiero
- Colo
- Tepiero seco
Estànci : Mountagnard à Subaupen
Couroulougi :
Pancaro entresigna
Ref. sc. : Festuca nigrescens Lam., 1788
(= Festuca rubra subsp. commutata (Gaudin) Markgr.-Dann., 1968 )
Espino-blanco
Echinops ritro
Asteraceae Compositae
Autre noum : Bouleto.
Noms en français : Oursin bleu, Boulette azurée.
Descripcioun :Pichoto planto renadivo que vèn bèn dins li colo seco mai peréu lis ermas e pèr camin. Ei forço espinouso emé de fueio di proun retaiado e blanco sus lou dessouto (espino-blanco). Se recounèis eisa à si bèlli flour bluio en bouleto agroupado. Ei l'emblèmo de vòsti site "Plantun de Prouvènço" e "Prouvènco-Naturo".
Usanço :Li jòuni fueio podon èstre mesclado is ensalado. Sa racino, richo en sapounino èi vertuouso contro lou trop d'aigo dins lou cors. Se bèu de tisano de racino seco e trissado, sènso despassa quàuqui jour.
Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna
Gènre : Echinops
Famiho : Asteraceae
Famiho classico : Compositae
Coulour de la flour :
Bluio
Petalo : >6
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto :
Pancaro entresigna
Aparado : Noun
Liò : Garrigo
- Roucaio
- Camin
Estànci :
Pancaro entresigna
Couroulougi :
Pancaro entresigna
Ref. sc. : Echinops ritro L., 1753