Plantun de Prouvènço

Pèr coumpara dos planto d'encò nostre

Eclipta prostrata & Myosotis corsicana subsp. pyrenaeorum

Eclipta prostrata

Asteraceae Compositae

Noms en français : Éclipte blanche, Mahakanni.

Descripcioun :
Planto de l'an pulèu raro en Prouvènço que nous vèn d'Asìo (levant). Trachis sus li ribo d'aigo. L'eclipto rebalo au sòu, fai de flour coumpausado pulèu pichoto ; li fueio soun óupousado ço qu'èi proun rare encò lis asteraceae.

Usanço :
L'eclipto fai partido de la farmacìo tradiciounalo chinese. Ei proun vertuouso, saro li car, sougno li mau de fege, li plago, e en generau èi bon contro li proublèmo de pèu, e mai enca. Pamens sèmblo pulèu utilisado pèr tencha li chevu que caup un coulouraire naturau negre.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Eclipta
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Risiero
Estànci : à Coulinen
Couroulougi : Pancaro entresigna
Ref. sc. : Eclipta prostrata (L.) L., 1771

Te-vese-e-t'ame(-di-Pirenèu)

Myosotis corsicana subsp. pyrenaeorum

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis des Pyrénéens.

Descripcioun :
Aurés pas besoun d'ana dins li Pirenèu pèr lou rescountra, qu'aquesto meno trachis dins Ventour. Sèmblo bèn mai proche di te-vese-e-t'ame d'aquésti mountagno, e de Corso, que li dis Aup. Sabès que tout acò èro estaca avans la derivo Corso-Sardo i'a peraqui 35 MA. Se destrìo de sa cousino dis Aup que i'a ges de péu dessouto li fueio, s'atrovo pamens de péu croucu sus li costo di sepalo (fotò) e proun de péu sus si bord.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1500 à 2700 m
Aparado : Noun
Juliet à avoust

Liò : Pelouso - Coumbo à nèu
Estànci : Mountagnard à Aupen
Couroulougi : Ouroufito-Sud-Éuroupo
Ref. sc. : Myosotis corsicana subsp. pyrenaeorum Blaise & Kerguélen, 1992 (= Myosotis alpestris subsp. pyrenaearum (Blaise & Kerguélen) J.M.Tison )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Eclipta prostrata & Myosotis corsicana subsp. pyrenaeorum

RRR

ges

Coumpara Eclipto emé uno autro planto

Coumpara Te-vese-e-t'ame(-di-Pirenèu) emé uno autro planto