Plantun de Prouvènço

Pèr coumpara dos planto d'encò nostre

Echium calycinum & Meum athamanticum

Echium calycinum

Boraginaceae

Nom en français : Vipérine à calice persistant.

Descripcioun :
Aquelo suçamèlo trachis dins li tepiero e li roucaio trepado proche de la mar. Es uno planto basso en rouseto la proumiero annado e que trachis un pau mai la segoundo. Li flour soun pelouso, roso-vióuleto à la debuto, pièi bluio après. Li sepalo countunion de crèisse un cop la flour passido, ço que i'a douna soun noum.

Usanço :
Couneissèn pas d'usanço particuliero pèr aquelo planto. Li flour soun bessai bono à suça coume pèr sa cousino. Escriéure au site se n'en sabès mai.

Port : Erbo
Taio : 3 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Echium
Famiho : Boraginaceae

Ordre : Ordre pas nouma

Coulour de la flour : Vióuleto
Petalo : irreguliero
Ø (o loungour) flour : 4 à 8 mm
Flourido : Printèms

Sòu : Ca
Autour basso e auto : 0 à 50 m
Aparado : Noun
Remarco : Planto de coustiero
Febrié à mai

Liò : Pelouso - Roucaio - Trepadou - Mar
Estànci : Termoumediterran à Mesoumediterran
Couroulougi : Estenoumediterrano
Ref. sc. : Echium calycinum Viv., 1804

Cistro

Meum athamanticum

Apiaceae Umbelliferae

Àutri noum : Sìstra, Cisto.

Nom en français : Fenouil des Alpes.

Descripcioun :
La cistro, emé sa bono óudour d'anis pòu pas engana. Es uno meno de fenoui que se rescontro dins li prado de mountagno. Li fueio soun forço penado e s'avès lou fru la determinacioun sara tras que seguro : es un pau alounga emé de costo forto, lis dous estile e la partido d'en aut soun bèn vióulet.

Usanço :
"La sistro quand es sec fai estruniar, es ena pourcariò que te fai crachar lous poulmous (J.-L. Domenge in LMT, op.cit. p. 60 ). La poudès bouta dins l'ensalado, dins d'ùni plat o dins la soupo, majamen de pèis. Es uno planto proun recercado pèr li bèsti o lou fen. J.-R. Fortoul (1995) counsèio de la sega, un cop li ramo vènon rouiouso. En Bavièro n'en fan d'eigardènt emé la racino. Es uno planto proun vertuouso (vèire çai-souto e de mai galatougèno e enmenagogo).