Plantun de Prouvènço

Pèr coumpara dos planto d'encò nostre

Dryopteris affinis & Valeriana officinalis subsp. sambucifolia

Dryopteris affinis

Dryopteridaceae

Noms en français : Dryoptéris voisin, Fausse Fougère mâle.

Descripcioun :
Lou faus-féuse-de-cabro trachis dins li gaudre umide, lis esboudèu e li relarg à rousage, subretout en mountagno dins lis Aup marino. Es uno planto que sèmblo proun au féuse-de-cabro, Dryopteris filix-mas, mai li foundo rèston mai o mens dóu tèms de l'ivèr. I'a mai d'escaume e que soun pu sourno sus lou pecou e li rastèu di foundo. Peréu li peno soun mens dentado e subretout se vèi uno taco sourno sus lou rastèu à la baso di peno (fotò). Coumpara emé lou féuse-de-cabro que ié sèmblo proun.

Usanço :
Proche dóu féuse-de-cabro, Dryopteris filix-mas, n'en a bessai li mémis usanço.

Port : Grando erbo
Taio : 40 à 120 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Dryopteris
Famiho : Dryopteridaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu - Autouno

Sòu : Si
Autour basso e auto : 0 à 2200 m
Aparado : Noun
Juliet à setèmbre

Liò : Relarg à rousage - Gaudre - Esboudèu
Estànci : Coulinen à Subaupen
Couroulougi : Éurasiatico
Ref. sc. : Dryopteris affinis (Lowe) Fraser-Jenk., 1979

Valeriano

Valeriana officinalis subsp. sambucifolia

Caprifoliaceae Valerianaceae

Noms en français : Valériane à feuilles de sureau, Valériane officinale.

Descripcioun :
La valeriano es uno grando planto (1,5 à 2,5 m) que trachis dins li relarg mountagnous. Se recounèis à si fueio coumpausado (la souleto espèci coume acò) ; li d'en bas an de 5 à 9 fuioun en formo de lanço e denta. Se destrìo de Valeriana officinalis subsp. officinalis pèr lou noumbre de fueioun e la loungour de la corollo qu'èi mai longo (> 5mm).

Usanço :
La planto èi couneigudo despièi li Grè pèr èstre proun vertuouso majamen contro li proublèmo de som, d'ànci, de reboulimen, pèr apasima li nèrvi e autre. Ei subretout la racino que s'utiliso (en tisano).