Acinié
Crataegus monogyna
Rosaceae
Àutri noum : Acinas, Aubrespin, Poumetié, Peretié, Peto-fouirié.
Noms en français : Aubépine à un style, Bois de mai.
Descripcioun :L'acinié fai proun de flour blanco à la primo, pièi porto de pichot fru rouge, lis acino vo poumeto.
Usanço :Li flour e li fru soun vertuouso contro l'ipertesuro e pèr lou bato-cor : "La flour, n'i'a que n'en prenon pèr faire toumba la tensioun" (P. Pavon in O. Madon, op.cit. p. 58). Faire uno tisano emé un cuié de flour secado pèr tasso. Èi peréu uno planto sedativo : "Se metié dins lou biberoun deis enfant quand èron pichounet pèr li faire dourmi" (M. Duplan Ibid.)."Dins lou tèms, sis ensertavon sus leis acinié de peros, de gnèspous [...] nautre l'avèn agu fa. O, o, sus lei bouishoun, lou gnespoulié prenié bèn aqui, [...] la souleto cauvo es que mounto pas aut" (in J.-L. Domenge, EbV, op.cit.).
Port : Aubret
Taio : 1 Ã 6 m
Fueio : alterno
Tipe bioulougico : Faneroufite
Cicle bioulougico : Planto renadivo
Gènre : Crataegus
Famiho : Rosaceae
Ordre : Rosales
Coulour de la flour :
Blanco
Petalo : 5
Ø (o loungour) flour : 10 Ã 15 mm
Flourido : Printèms
- Estiéu
Sòu : Ca
Autour basso e auto : 0 Ã 1800 m
Aparado : Noun
Abriéu à Juliet
Liò : Roucaio
- Sebisso
- Relarg à jóuinis aubret
- Óuriero de bos
Estànci : Termoumediterran à Mountagnard
Couroulougi : Paleoutemperado
Ref. sc. : Crataegus monogyna Jacq., 1775
Rebarbo
Rheum × hybridum
Polygonaceae
Nom en français : Rhubarbe.
Descripcioun :La rebarbo èi plantado dins li jardin. Se pòu trouba, d'eici, d'eila, proche dis oustau. Se recounèis à si grà ndi fueio amé de costo paumado e à sis lònguis enflourejado jauno qu'an 4 tepalo egalo.
Usanço :Soun li pecou di fueio que soun manjadis. Aquéli soun cue emé de sucre pèr faire de counfituro, tarto.... Sabès pamens que li fueio (limbo) dèvon pas èstre manjado que soun empouisounanto malodi l'acide óussali marrit pèr li ren. La racino èi vertuouso subretout contre lou quiéu tapa e pèr sougna li bresego (mau-blanc). Èi peréu estoumatico e aperitivo.
Port : Grando erbo
Taio : 0,6 Ã 2 m
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Rheum
Famiho : Polygonaceae
Ordre : Caryophyllales
Coulour de la flour :
Jauno
Petalo : 3
Ø (o loungour) flour : 4 Ã 8 mm
Flourido : Printèms
- Estiéu
Sòu : Ca
Autour basso e auto : 100 Ã 1300 m
Aparado : Noun
Remarco : R.officinalis x R.raphonticum
Mai à juliet
Liò : Escoumbre e proche dis oustau
- Ermas
Estànci : Subremediterran à Mountagnard
Couroulougi : Chino
Ref. sc. : Rheum × hybridum Murray, 1775
(= Rheum × rhabarbarum L., 1753 )