Plantun de Prouvènço

Pèr coumpara dos planto d'encò nostre

Calendula arvensis & Lotus corniculatus subsp. alpinus

Gauche-fèr

Calendula arvensis

Asteraceae Compositae

Àutri noum : Soucit-bastard, Soucit-fèr, Soucit-sóuvage.

Noms en français : Souci des champs, Souci sauvage.

Descripcioun :
Lou gauche-fèr se vèi proun dins li champ,li vigno e li terro faturado mounte flouris d'abriéu à la fin de l'autouno. A uno odour forto, si fueio soun bourrihudo e tiron un pau sus lou gris.

Usanço :
Li flour e li fueio, culido fresco vo seco, rintron dins de preparacioun de tenchuro e de maceracioun forço recouneigudo pèr sougna la pèu (picaduro, plago, variço, estorso...) e touto meno d'enflamacioun. Poudès n'en faire de tisano que soun bono contro li fèbre. Ei peréu un bon antispasmoudi. Avès de l'acampa lou matin d'uno bello journado. Poudès n'en apoundre dins vòstis ensalado pèr n'en douna de bèlli coulour.

Port : Erbo
Taio : 5 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Calendula
Famiho : Asteraceae
Famiho classico : Compositae
Tribu : Calenduleae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 2 à 2,5 cm
Flourido : Printèms Autouno - Ivèr

Sòu : Ca (Si)
Autour basso e auto : 0 à 800 m
Aparado : Noun
Óutobre à mai

Liò : Champ - Escoumbre e proche dis oustau - Ermas - Camin
Estànci : Termoumediterran à Coulinen
Couroulougi : Paleoutemperado
Ref. sc. : Calendula arvensis L., 1763

Embriago-cabro

Lotus corniculatus subsp. alpinus

Fabaceae Leguminosae

Àutri noum : Galassoun, Pèd-d'aucèu, Jauneto, Cap-rous, Lentiholo.

Noms en français : Lotier des Alpes, Lotier corniculé.

Descripcioun :
Aquelo meno d'embriago-cabro, subsp. alpinus, trachis dins li pelouso d'auto mountagno. Coume tóuti li Lotus se recounèis à si fueio di tres fuioun large groupa e si dos estipulo sus lou coustat. Èi mai pichoto emé de flour pu grosso que lou tipe corniculatus, coumun en plano, e souvènt rouginasso.

Usanço :
Li jóuini brout soun manja en Bousnìo (F. Couplan, op.cit. p. 215), pamens li flour caupon d'acide cianidri. La planto èi marrido pèr li bèsti que douno lou lourdige, embriago (embriago-cabro), coume l'avien vist nòstis àvi. A de prouprieta sedativo e antispasmoudico (contro li mau de nèrvi).