Plantun de Prouvènço

Pèr coumpara dos planto d'encò nostre

Arum cylindraceum & Carduus nigrescens subsp. nigrescens

Sangueiroun(-en-cilindre)

Arum cylindraceum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum des Alpes, Gouet des Alpes.

Descripcioun :
Aquest sanguieroun, rare au nostre, trachis dins li blachiero e li faio. Se destrìo de Arum italicum bèn mai coumun, que soun espadice èi prim e vióulet (jaune encò de A. italicum) e de Arum maculatum que li fueio soun pas jamai tacado e gaire sagitado, e emé uno espato mai estrecho e mens duberto. Apoundèn que la cambo de flour èi eici tant longo que li pecou di fueio.

Usanço :
Dèu agué, cresèn, li mémi prouprieta que lou sanguieroun coumun.

Port : Erbo
Taio : 15 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 4 à 5 cm
Flourido : Printèms

Sòu : Ca
Autour basso e auto : 0 à 1400 m
Aparado : Noun
Abriéu à mai

Liò : Blachiero - Faio - Baus
Estànci : Mesoumediterran à Subremediterran
Couroulougi : Éuropenco
Ref. sc. : Arum cylindraceum Gasp., 1814

Cardoun(-negrous)

Carduus nigrescens subsp. nigrescens

Asteraceae Compositae

Nom en français : Chardon noirâtre.

Descripcioun :
Lou cardoun-negrous es uno planto coumuno dins quàsi tóuti li relarg de Prouvènço, aleva lis àuti mountagno. Li flour coumpausado soun soulitàri e pourtado sus de long pecou, dre e souvènt clina (mai pas tant que lou cardoun-clina). Se recouneis à si bratèio torso à la baso pièi plato, pounchudo emé lou dessubre bèn vioulet. La subsp. nigrescens, presentado eici, se recounèis à si bratèio di proun rebatudo, larjo (1,5 à 2 mm) e pu courto (< 9 mm).

Usanço :
Li tijo dèvon èstre manjadisso emai n'en sachèn pas mai. Escriéure au site s'avès d'entresigne.

Port : Grando erbo
Taio : 30 à 200 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Carduus
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Vióuleto
Petalo : >6
Ø (o loungour) enflourejado : 18 à 25 mm
Flourido : Printèms - Estiéu

Sòu : Ca (Si)
Autour basso e auto : 0 à 1700 m
Aparado : Noun
Remarco : Endemico de Prouvènço
Abriéu à Juliet

Liò : Tepiero seco - Camin
Estànci : Mountagnard
Couroulougi : Estenoumediterrano-Ouèst
Ref. sc. : Carduus nigrescens subsp. nigrescens Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum cylindraceum & Carduus nigrescens subsp. nigrescens

ges

Coumpara Sangueiroun(-en-cilindre) emé uno autro planto

Coumpara Cardoun(-negrous) emé uno autro planto