Plantun de Prouvènço

Pèr coumpara dos planto d'encò nostre

Agrostemma githago & Pedicularis palustris

Niello

Agrostemma githago

Caryophyllaceae

Àutri noum : Courouno-di-blad, Pebreto, Barbudo, Nialo, Aniello.

Noms en français : Nielle, Nielle des blés.

Descripcioun :
Erbo pulèu grando que trachis dins li blad e que fai de poulìdi flour roso.

Usanço :
Li grano de niello soun empouisounanto, ço que dounavo, à passa tèms (avans la criblo di gran), de farino qu'èron pas manjadisso (farino nielado). Pèr acò la nielo èro levado di champ avans o dóu tèms di meissoun : "Iéu me rapelle que me mandavo moun pèro, ère pichouno ! -Vai ciéucla un pau aquéu caire de blad -De que fau leva ? - De nielo", me disié ! O peréu : "Meissounavian l'espéuto à la fauciho, e levavian aquéli planto que i'avié dedins... La nielo fasié de grano negro" (G. Gabinel e J. Chapus in O. Madon, op. cit., p. 127).

Port : Grando erbo
Taio : 0,3 à 1 m
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Agrostemma
Famiho : Caryophyllaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran à Mountagnard
Couroulougi : Pancaro entresigna
Ref. sc. : Agrostemma githago L., 1753

Erbo-di-pesou(-de-palun)

Pedicularis palustris

Orobanchaceae Scrophulariaceae

Autre noum : Tartarèio(-roujo).

Noms en français : Pédiculaire des marais, Tartarie rouge.

Descripcioun :
Aquesto erbo-di-pesou a despareigu di plano prouvençalo, alor que se troubavo encaro en Camargo i'a un trentenau d'annado. Aro èi proun raro e se vèi pu que dins lis Aup interno. Coume soun noum lou dis, trachis dins li palun tourbous e li prado palustro. Se recounèis majamen à si sepalo dentado e si petalo d'un roso clar.

Usanço :
Lis usanço couneigudo soun pulèu anciano : se dis qu'es astringènto e qu'ansin sarié emoustatico e bono contro li moureno e li gròssi règlo.

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Pedicularis
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Roso
Petalo : irreguliero
Ø (o loungour) enflourejado : 12 à 20 mm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Vo
Mai à avoust

Liò : Tourbiero - Palun tourbous - Prado palustro
Estànci : Mesoumediterran à Subaupen
Couroulougi : Bourealo
Ref. sc. : Pedicularis palustris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Agrostemma githago & Pedicularis palustris

ges

Coumpara Niello emé uno autro planto

Coumpara Erbo-di-pesou(-de-palun) emé uno autro planto