Plantun de Prouvènço

Pèr counèisse e recounèisse li planto d'encò nostre

fotò
fotò Erbo-de-sant-Cristòu

Actaea spicata

Ranunculaceae

Noms en français : Actée en épi, Christophorienne.

Descripcioun :
L'erbo-de-sant-Cristòu es uno planto pulèu grando que trachis dins li bos fre e umide de mountagno. Fai de gràndi fueio coumpausado de fueioun descoupa. L'enflourejado en grapo caup de pichòti flour que se vèi subretout lis estamino. Douno, tre l'estiéu, de grapo de fru negre e redoun. La planto èi proutejido sus listo roujo, categourìo LC, es à dire soucit minour.

Usanço :
Es uno planto empouisounanto, subretout li fru que caupon de proutouanemounino, d'eterouside e uno essènci. La planto pòu èstre mourtalo (aperaqui 10 fru) emé arrèst cardia. La racino èi vióulament purgativo. A passa tèms a servi pèr tua li pesou, aro s'utiliso soulamen en oumeoupatìo.

Bioulougìo - Usanço - Classificacioun

Port : Grando erbo
Taio : 30 à 80 cm
Fueio : coumpausado
Tipe bioulougico : Geoufite
Cicle bioulougico : Planto renadivo
Fourestiero : Noun

Coulour de la flour : Blanco
Petalo : 2
Ø (o loungour) enflourejado : 6 à 8 cm
Flourido : Printèms
Abriéu à jun
Aparado : Listo roujo

Empouisounanto : Vo
Manjadisso : Noun
Purgativo
Vertuouso : Contro lou mau-d'os


Gènre : Actaea
Famiho : Ranunculaceae
Ordre : Ranunculales
Remarco : Mèfi !
Filougenìo : Tracheophyta

Ref. sc. : Actaea spicata L., 1753

Ecoulougìo - Partisoun

Liò : Bos fres - Gaudre - Palun de mountagno

Estànci : Mountagnard.

Couroulougi : Éurasiatico

Sòu : Ca (Si)

Autour basso e auto : 400 à 2300 m

Aboundànci : R

Fitousoucioulougìo

Classo : Noccaeetea rotundifoliae

Ordre : Polystichetalia lonchitidis

Alianço : Arunco dioici-Petasition albi

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
RR
R
R

Coumpara Erbo-de-sant-Cristòu emé uno autro planto

fotò

Uno questioun, uno remarco...