Famiho : Ranunculaceae, i'a 64 meno.

Pèr counèisse e recounèisse li planto d'encò nostre

Li Ranunculaceae (famiho di ranouncle) soun majamen d'erbo (4) e de cop que i'a de liano lignouso (Clematis).

Li fueio soun alterno, subretout basalo, e soun óupousado encò Clematis. Soun simplo (aleva encò Clematis) e penado o palmado.

Li flour ermafroudito soun souvènti-fes grando e poulideto. Podon èstre regulièro (1) o noun (2), alor souvènt emé d'esperoun. I'a cinq sepalo en generau, de tres à quinge, de cop que i'a que sèmblon de petalo, e cinq petalo o mai (7, 8), podon peréu èstre forço pichot => neitàri.

Se vèi proun d'estamino libro e de carpello (6, 9).

I'a dos meno de fru, siegue un akène emé un bè que caup uno souleto grano (3), siegue uno fouliculo deïscènto que n'en caup proun (5). Raramen uno "grano" (Actaea).