Plantun de Prouvènço

Pèr coumpara dos planto d'encò nostre

Ulmus glabra & Hyoscyamus niger

Ulmus glabra

Ulmaceae

Noms en français : Orme de montagne, Orme glabre.

Descripcioun :
L'ourme trachis dins li relarg umide de mountagno e souvènt dins li gaudre. Sèmblo proun à l'ourmèu, Ulmus minor, pamens l'aubre èi mai grand. Se recounèis à si fueio emé proun de costo o qu'an tres pouncho (aubre jouine). Lou fru èi peréu mai grand e la grano èi pu basso (mai liuen dóu pecou).

Usanço :
Dèu agué li mémis usanço que l'ourmèu.

Port : Aubre
Taio : 5 à 30 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Ulmus
Famiho : Ulmaceae

Ordre : Rosales

Coulour de la flour : Roso
Petalo : ges
Ø (o loungour) flour : 1 à 2 mm
Flourido : Printèms Ivèr

Sòu : Ca (Si)
Autour basso e auto : 100 à 1700 m
Aparado : Noun
Febrié à abriéu

Liò : Fourèst - Gaudre
Estànci : Subremediterran à Mountagnard
Couroulougi : Éurasiano
Ref. sc. : Ulmus glabra Huds., 1762

Erbo-dóu-mau-de-dènt

Hyoscyamus niger

Solanaceae

Àutri noum : Jusquiam-negre, Erbo-de-bregand, Erbo-de-mort, Endourmidouire, Erbo-de-dènt.

Nom en français : Jusquiame noire.

Descripcioun :
L'erbo-dóu-mau-de-dènt es uno planto devengudo pu raro qu'à passa tèms emé l'esvalimen dis escabot de fedo. D'efèt trachis proche di jasso ounte soubro proun de femié. Autramen es eisado de recounèisse emé si poulìdi flour di dos coulour.

Usanço :
"L'ai agu ramassado, i'avié pas de dentisto coume i'a aro, e se sounavian coume acò... Alor metian la grano sus de braso, se brulavo, fumavo e metian uno bolo vuejo dessus, à l'envers, pèr que lou fum rentrèsse bèn, lou tournavon e i vieujavon d'aigo boulènto dedins, e fasian uno fumigacioun. Ero rare que lou mau de dènt passèsse pas", L. Saunier in O. Madon, op.cit. p. 109.

Port : Grando erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hyoscyamus
Famiho : Solanaceae

Coulour de la flour : Jauno Vióuleto
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco :

Liò : Escoumbre e proche dis oustau - Jasso
Estànci : Subremediterran à Mountagnard
Couroulougi : Pancaro entresigna
Ref. sc. : Hyoscyamus niger L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ulmus glabra & Hyoscyamus niger

ges

Coumpara Ourme emé uno autro planto

Coumpara Erbo-dóu-mau-de-dènt emé uno autro planto