Plantun de Prouvènço

Pèr coumpara dos planto d'encò nostre

Symphoricarpos albus & Lemna minuta

Symphoricarpos albus

Caprifoliaceae

Noms en français : Symphorine blanche, Arbre aux perles.

Descripcioun :
Aquest aubret nous vèn de l'Americo dóu Nord. A un port que douno d'èr à-n-aquésti di cabrifueio en bouissoun. Se recounèis eisadamen l'autouno quouro fai si fru blanc coume de nèu. Se naturaliso raramen en ribo d'aigo o soubro di vièi plantacioun.

Usanço :
Lou fru es un pau empouissounant. Li ramo e li fueio secado soun estado utilisado en Americo pèr faire toumba la fèbre e faire pissa.

Port : Aubret
Taio : Pancaro entresigna
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Symphoricarpos
Famiho : Caprifoliaceae

Coulour de la flour : Blanco Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Escoumbre e proche dis oustau
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphoricarpos albus (L.) S.F.Blake, 1914

Lentiho-d'aigo(-menudeto)

Lemna minuta

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lenticule minuscule.

Descripcioun :
La lentiho-d'aigo-menudeto fai de foundo afalido verdo un pau cendrado que floton sus l'aigo de 1 à 3 mm (emé un rapport 1,2 < L/l < 1,8) groupado pèr 2 à 8. Se recouneis subretout, en mai de sa taio tras que pichouneto bonodi sa costo que fai coume uno gibo sus lou dessubre de la foundo. Trachis souvènt de coumpagno emé Azola, pichot féuse d'aigo (fotò).

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.