Plantun de Prouvènço

Pèr coumpara dos planto d'encò nostre

Symphoricarpos albus & Fraxinus ornus

Symphoricarpos albus

Caprifoliaceae

Noms en français : Symphorine blanche, Arbre aux perles.

Descripcioun :
Aquest aubret nous vèn de l'Americo dóu Nord. A un port que douno d'èr à-n-aquésti di cabrifueio en bouissoun. Se recounèis eisadamen l'autouno quouro fai si fru blanc coume de nèu. Se naturaliso raramen en ribo d'aigo o soubro di vièi plantacioun.

Usanço :
Lou fru es un pau empouissounant. Li ramo e li fueio secado soun estado utilisado en Americo pèr faire toumba la fèbre e faire pissa.

Port : Aubret
Taio : Pancaro entresigna
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Symphoricarpos
Famiho : Caprifoliaceae

Coulour de la flour : Blanco Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Escoumbre e proche dis oustau
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphoricarpos albus (L.) S.F.Blake, 1914

Frais-di-flour-blanco

Fraxinus ornus

Oleaceae

Autre noum : Frais-de-la-mauno.

Noms en français : Frêne à fleurs, Orne.

Descripcioun :
Pichot frais que trachis dins li relarg umide e caud. Se recounèis à si flour blanco qu'an de lòngui petalo primo. Li fueioun soun pu larg qu'encò lou frais, Fraxinus excelsior.

Usanço :
Es un aubre qu'es esta planta dins mant'un relarg. A l'incisioun, s'escoulo uno meno de mauno blanco qu'a un goust sucra (sèbo), proun utilisado en Sicilo. La mauno èi lachativo e vertuouso pèr apasima la pèu. Ei di proun utilisado pèr d'ùni crèmo.