Plantun de Prouvènço

Pèr coumpara dos planto d'encò nostre

Senecio leucanthemifolius subsp. crassifolius & Erica cinerea

Senecio leucanthemifolius subsp. crassifolius

Asteraceae Compositae

Nom en français : Séneçon à feuilles grasses.

Descripcioun :
Lou serinçoun trachis dins li tepiero e roucas en ribo de la mar nostro. Es uno planto de l'an, sènso péu, que fai de coulounìo e flouris pulèu d'ouro dins l'annado. Emé si fueio sucouso, i'a pas trop pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Senecio
Famiho : Asteraceae
Famiho classico : Compositae
Tribu : Senecioneae
Ordre : Asterales

Coulour de la flour : Jauno
Petalo : >6
Ø (o loungour) flour : 15 à 20 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero
Mars à mai

Liò : Mar - Roucas - Tepiero de ribo de mar
Estànci : Mesoumediterran
Couroulougi : Estenoumediterrano
Ref. sc. : Senecio leucanthemifolius subsp. crassifolius (Willd.) Ball, 1878

Brousso-rasiero

Erica cinerea

Ericaceae

Nom en français : Bruyère cendrée.

Descripcioun :
La brousso-rasiero se rescontro soulamen au couchant de noste relarg qu'èi pulèu uno planto coumuno dóu coustat de l'atlantico. Au contro di brusc que fan de bartas un pau grand, aquelo èi pu basso. Trachis, parié, dins lis endré séusous, sablo e savèu. Se recounèis à si pichòti flour roso e redouno en enflourejado e à si fueio bèn verdo en long, primo, verticilado pèr 3-4 e quàsi sènso péu.

Usanço :
La brousso-rasiero èi vertuouso contro lis enfecioun urinàri e li graviho dóu ren (Erica vèn dóu gre e vòu dire roumpre). Se pren en tisano, (30 à 40 g de flour seco pèr litre d'aigo).