Plantun de Prouvènço

Pèr coumpara dos planto d'encò nostre

Saxifraga moschata & Rhynchostegium megapolitanum

Sassifrago(-muscado)

Saxifraga moschata

Saxifragaceae

Autre noum : Sassifrajo.

Nom en français : Saxifrage musquée.

Descripcioun :
La sassifrago-muscado trachis en couissin dins lis aùti mountagno de Prouvènço sus cauquié. Flouris belamen l'estiéu. Li flour soun blanco emé lou cèntre jaune e li petalo se tocon pas, au contro de la sassifrago-regado, Saxifraga exarata que ié sèmblo proun. Li fueio di tres partido soun regado soulamen sus lou tros dóu mitan (e pas toujour fin qu'au bout), alor que li de sa cousino soun tóuti tres regado en plen. Apoundèn que li fueio di ramo esterlo soun entiero (fotò). Coumpara emé la sassifrago-regado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 12 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 0,6 à 1 cm
Flourido : Printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Baus - Roucas - Tepiero roucaiouso
Estànci : Subaupen à Aupen
Couroulougi : Ouroufito-Éurasiatico
Ref. sc. : Saxifraga moschata Wulfen, 1781

Long-bè-de-vilasso

Rhynchostegium megapolitanum

Brachytheciaceae

Nom en français : Long-bec-de-ville .

Descripcioun :
Aquelo mousso pluroucarpo de taio mejano trachis en tepiero molo pulèu verdo-jaunastro e esbrihanto sus la sablo, lou sòu roucaious bagna e la ligno pourido. Se rescontro tambèn sus li bord di camin e li vièii muraio de vilo. Se recounèis subretout à si fueio redouno à la baso e que devènon pounchudo subretout aquéli pas ramealo. La costo larjo de 0,05 mm disparèi devers li 3 part 2 de la fueio. Se li celulo basalo soun en reitanglo, aquéli dóu mitan soun en long emé li bout en bisèu. L'urno èi pulèu ourizoutalo e curvo, couifado pèr un tapadou loungamen roustra (fotò). La planto èi proutejido sus listo roujo, categourìo LC, es à dire soucit minour.

Usanço :
Se pòu engana emé d'àutri mousso pluroucarpo dóu meme gènre e di gènre proche.

Port : Pluroucarpo
Taio : 2 à 10 cm
Fueio : 1,8 à 2,2 mm
Tipe bioulougico :
Cicle bioulougico : Planto renadivo

Gènre : Rhynchostegium
Famiho : Brachytheciaceae

Ordre : Hypnales

Coulour de la flour :
Petalo : 1,5 à 3 cm
Ø (o loungour) flour : Coumplet
Flourido : Ivèr

Sòu : Ca Si
Autour basso e auto : 10 à 1800 m
Aparado : Noun
Desèmbre à mars

Liò : Sablo - Sòu roucaious - Camin - Ligno pourido
Estànci : Mesoumediterran à Mountagnard
Couroulougi : Mieterrano e Oulartico
Ref. sc. : Rhynchostegium megapolitanum (Blandow ex F.Weber & D.Mohr) Schimp., 1852 (= Eurhynchium megapolitanum (Blandow ex F.Weber & D.Mohr) Milde, 1869 = Brachythecium cardotii H.Winter, 1914 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Saxifraga moschata & Rhynchostegium megapolitanum

ges

Coumpara Sassifrago(-muscado) emé uno autro planto

Coumpara Long-bè-de-vilasso emé uno autro planto