Plantun de Prouvènço

Pèr coumpara dos planto d'encò nostre

Rumex cristatus & Tulipa raddii

Rumex cristatus

Polygonaceae

Noms en français : Patience à crêtes, Rumex à crêtes.

Descripcioun :
Aquesto paciènci es uno grando erbo di làrgi fueio en cor à la baso emé d'enflourejado longo e denso. Es uno planto que nous vèn di Balkan. Se recounèis bonodi si valvo tant larjo que longo (5 à 8 x 5 à 8 mm) e qu'an uno pichoto cresto.

Usanço :
Li fueio de la paciènci-à-cresto soun acampado e manjado dins soun pais d'óurigino (Grèço, Sicilo, Turquìo...). Jouino, li fueio podon èstre manjado cruso, mai pu vièio, soun proun amaro e li fau faire bouli (poussible emé de la). Ramentan que faudrié pas trop n'en manja malodi l'acide óussali.

Port : Grando erbo
Taio : 0,6 à 1,2(2) m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Ermas - Camin
Estànci : Mesoumediterran
Couroulougi : Óurigino mediterranenco-Nord-Ouèst
Ref. sc. : Rumex cristatus DC., 1813

Tulipo(-de-Raddi)

Tulipa raddii

Liliaceae Liliaceae

Nom en français : Tulipe précoce.

Descripcioun :
Aquelo bello tulipo nous vèn d'Asìo, mai fai deja de tèms qu'èi naturalisado au nostre. Trachis dins li champ cultiva ounte flouris gaire. Es uno planto rizoumatouso que s'espandis proun ounte s'atrovo. Emé si fueio pu courto que li flour e si tepalo dóu dedins redouno, se destrìo de la tulipo-d'Agen. Coumpara emé la tulipo-d'Agen que ié sèmblo proun. Èi marcado sus la listo roujo, en dangié.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Tulipa
Famiho : Liliaceae
Famiho classico : Liliaceae

Ordre : Liliales

Coulour de la flour : Roujo
Petalo : 6
Ø (o loungour) flour : 3 à 5 cm
Flourido : Printèms Ivèr

Sòu : Ca
Autour basso e auto : 0 à 400 m
Aparado : Noun
Mars à abriéu

Liò : Champ cultiva - Meissoun
Estànci : Termoumediterran à Mesoumediterran
Couroulougi : Óurigino Asìo-Cèntre
Ref. sc. : Tulipa raddii Reboul, 1822 (= Tulipa praecox 1815 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rumex cristatus & Tulipa raddii

RRR

ges

Coumpara Paciènci(-à-cresto) emé uno autro planto

Coumpara Tulipo(-de-Raddi) emé uno autro planto