Plantun de Prouvènço

Pèr coumpara dos planto d'encò nostre

Riccia glauca & Alternanthera philoxeroides

Riccia glauca

Ricciaceae

Nom en français : Riccie glauque.

Descripcioun :
Aquesto ricìo (gènre Riccia) es uno di mai coumuno di ricìo de Prouvènço. Soun de pichòti planto à tale que fan uno lamo verdo au sòu en fourmo de rouseto o de lobe de 1 cm de long aperaqui. L'espouroufite èi caupu dins lou tale au contro di mousso, e lis esporo sorto un cop li lobe creba.

Usanço :
Fai partido dóu subre gènre Riccia que se recounèis à si coulounado de cellulo sarrado (vèire li fotò). Se destrìo dis àutri ricìo bonodi sa taio (4 cop mai larg que aut), qu'a ges d'alo e tambèn ges de bord clar e mai enca...

Port : Tale coumplèisse
Taio : 0,3 à 0,4 cm
Fueio : ges
Tipe bioulougico :
Cicle bioulougico : Planto renadivo

Gènre : Riccia
Famiho : Ricciaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca (Si)
Autour basso e auto : ?
Aparado : Noun

Liò : Terro argielouso - Champ cultiva - Garrigo
Estànci : Mesoumediterran à Subaupen
Couroulougi : Oulartico
Ref. sc. : Riccia glauca L., 1753

Alternantèro

Alternanthera philoxeroides

Amaranthaceae

Nom en français : Alternanthère.

Descripcioun :
Aquesto planto d'Americo troupicalo qu'envahis proun de relarg sus la planeto vèn tout bèu just d'èstre visto en Prouvènço (2014) à Sorgo. Es de crèire que s'espandisse mai e rapidamen. Se recounèis eisadamen à sis espigo de flour blanco, si cambo boutisso e si fueio óupousado e lusènto.

Usanço :
Malodi s'atrobo pèr metre à trachis dins li pesquié, ço qu'ajudo à soun esparpai.

Port : Erbo
Taio : Pancaro entresigna
Fueio : óupousado
Tipe bioulougico : Geoufite
Cicle bioulougico : Planto renadivo

Gènre : Alternanthera
Famiho : Amaranthaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Planto envahissènto

Liò : Ribiero
Estànci :
Couroulougi : Pancaro entresigna
Ref. sc. : Alternanthera philoxeroides (Mart.) Griseb., 1879

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Riccia glauca & Alternanthera philoxeroides

Coumpara Ricìo-verdalo emé uno autro planto

Coumpara Alternantèro emé uno autro planto