Plantun de Prouvènço

Pèr coumpara dos planto d'encò nostre

Reboulia hemisphaerica & Helichrysum stoechas

Reboulia hemisphaerica

Aytoniaceae

Nom en français : Hépatique hémisphérique.

Descripcioun :
Es uno epatico de taio mejano que trachis en coulounìo sus lou sòu o li roco cauquiero. Lou tale èi d'un verd sourne dessubre e un pau pourpre dessouto. Fai souvènt d'espouroufite que li capèu femèu an 4 à 6 lobe.

Usanço :
I'a pas trop pèr s'engana. Coumpara emé l'epatico-di-capèu-pounchu Conocephalum conicum que fai pas jamai de garbello à proupagulo.

Port : Tale coumplèisse
Taio : 1 à 3 cm
Fueio : ges
Tipe bioulougico :
Cicle bioulougico : Planto renadivo

Gènre : Reboulia
Famiho : Aytoniaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca
Autour basso e auto : 100 à 2200 m
Aparado : Noun

Liò : Sòu - Roco
Estànci : Mesoumediterran à Subaupen
Couroulougi : Cousmoupoulito
Ref. sc. : Reboulia hemisphaerica (L.) Raddi, 1818

Inmourtalo-jauno

Helichrysum stoechas

Asteraceae Compositae

Àutri noum : Inmourtalo, Saureto, Flour-dóu-bon-Diéu, Catàrri, Eternalo.

Noms en français : Immortelle, Immortelle jaune.

Descripcioun :
L'inmourtalo-jauno es uno poulido planto coumuno que fai de mato de pichot bouissoun majamen sus la sablo. Se recounèis eisadamen emé si flour coumpausado jauno d'or que se podon garda de tèms. H. italicum fai de flour coumpausado mai pichoto (emé de bratèio mens sarrado) alor que H. serotinum flouris tardivamen.

Usanço :
Emai siguèsse pas gaire utilisado au nostre, l'inmourtalo-jauno es uno planto couneigudo pèr si vertu dins d'ùni païs mediterran. Demié tóuti, citarèn si prouprieta anti-bateriano e anti-enflamativo que soun di proun estudiado à l'ouro d'aro. En òli, li flour soun bono pèr la pèu. Se bouton peréu dins lou manja pèr perfuma li liéume e li cerealo.

Port : Pichoto planto lignouso
Taio : 5 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helichrysum
Famiho : Asteraceae
Famiho classico : Compositae
Tribu : Gnaphalieae

Coulour de la flour : Jauno
Petalo : >6
Ø (o loungour) enflourejado : 1 à 5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à setèmbre

Liò : Garrigo - Roucaio - Tepiero seco - Mar
Estànci : Termoumediterran à Mountagnard
Couroulougi : Eurimediterrano
Ref. sc. : Helichrysum stoechas (L.) Moench, 1794

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Reboulia hemisphaerica & Helichrysum stoechas

ges

Coumpara Epatico-emisferico emé uno autro planto

Coumpara Inmourtalo-jauno emé uno autro planto