Plantun de Prouvènço

Pèr coumpara dos planto d'encò nostre

Pseudoscleropodium purum & Lotus corniculatus subsp. alpinus

Pseudoscleropodium purum

Brachytheciaceae

Nom en français : Faux pied-dur.

Descripcioun :
Aquelo mousso pluroucarpo coumuno trachis dins li relarg d'oumbro e fres pulèu sus sòu séusous. La tijo èi regulieramen ramado. Se recounèis majamen à si fueio de cambo redouno e proun councavo que s'acabon d'un cop emé un pichot benc. La costo se vèi bèn e fai mai que la mita de la fueio.

Usanço :
Se pòu engana emé d'àutri mousso pluroucarpo di fueio larjo, pamens la costo e lou benc fan la diferènci. S'atrovo uno meno procho Scleropodium tourretii, pu pichoto, que trachis dins li relarg mai caud e que caup de fueio mens councavo e mens pounchudo.

Port : Pluroucarpo
Taio : 10 à 15 cm
Fueio : 1,8 à 2,5 mm
Tipe bioulougico :
Cicle bioulougico : Planto renadivo

Gènre : Pseudoscleropodium
Famiho : Brachytheciaceae

Ordre : Hypnales

Coulour de la flour :
Petalo : 2 à 4 cm
Ø (o loungour) flour : Coumplet
Flourido : Ivèr

Sòu : Si (Ca)
Autour basso e auto : 10 à 1800 m
Aparado : Noun
Desèmbre à mars

Liò : Sòu - Champino
Estànci : Mesoumediterran à Subaupen
Couroulougi : Oulartico
Ref. sc. : Pseudoscleropodium purum (Hedw.) M.Fleisch., 1923

Embriago-cabro

Lotus corniculatus subsp. alpinus

Fabaceae Leguminosae

Àutri noum : Galassoun, Pèd-d'aucèu, Jauneto, Cap-rous, Lentiholo.

Noms en français : Lotier des Alpes, Lotier corniculé.

Descripcioun :
Aquelo meno d'embriago-cabro, subsp. alpinus, trachis dins li pelouso d'auto mountagno. Coume tóuti li Lotus se recounèis à si fueio di tres fuioun large groupa e si dos estipulo sus lou coustat. Èi mai pichoto emé de flour pu grosso que lou tipe corniculatus, coumun en plano, e souvènt rouginasso.

Usanço :
Li jóuini brout soun manja en Bousnìo (F. Couplan, op.cit. p. 215), pamens li flour caupon d'acide cianidri. La planto èi marrido pèr li bèsti que douno lou lourdige, embriago (embriago-cabro), coume l'avien vist nòstis àvi. A de prouprieta sedativo e antispasmoudico (contro li mau de nèrvi).