Plantun de Prouvènço

Pèr coumpara dos planto d'encò nostre

Potentilla pedata & Oenothera villosa

Potentilla pedata

Rosaceae

Nom en français : Potentille dressée.

Descripcioun :
Aquéu fragoun que trachis dins li tepiero seco de basso Prouvènço es intermediàri entre lou fragoun-pelous, Potentilla hirta e lou fragoun-dreissa, Potentilla recta. Se n'en destrìo bonodi la fueio : avisas-vous que lou tros dóu mitan ague de 7 à 15 dènt e que descendon pas fin qu'à la baso (fotò). I'a quàuquis estipulo que soun pas entiero peréu.

Usanço :
A bessai li mémis usanço que d'àutri fragoun : lucha contro la cagagno e sarra li car (presènci de tanin).

Port : Erbo
Taio : 15 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 2 à 3 Cm
Flourido : Printèms

Sòu : Ca
Autour basso e auto : 0 à 800 m
Aparado : Noun
Abriéu à jun

Liò : Roucaio - Tepiero seco - Relarg à jóuinis aubret
Estànci : Mesoumediterran à Subremediterran
Couroulougi : Ouroufito-Sud-Ouèst-Éuropo
Ref. sc. : Potentilla pedata Willd. ex Hornem., 1815 (= Potentilla hirta subsp. pedata (Willd. ex Schltdl.) Holmboe, 1914 )

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.