Plantun de Prouvènço

Pèr coumpara dos planto d'encò nostre

Pinus nigra & Allium polyanthum

Pinus nigra

Pinaceae

Nom en français : Pin noir.

Descripcioun :
Aquéu pin se destrìo dis autre que si aguio groupado pèr dos fan mai de 8 cm de long. Li pin negre formon un group que caup, au nostre, dos meno diferènto. Lou pin negre d'Austrìo (subsp. nigra -aquéu di fotò-), forço sourno e lou de Corso (subsp. laricio -aquéu dóu dessin de H. Coste-) qu'èi mai clar (aguio e pege).

Usanço :
Lou pin negre es esta forço utilisa pèr lou rebouscage. Vèn bèn dins lou mitan di colo e peréu mai aut en mountagno. Soulet pòu ana, mai quouro n'i'a à mouloun, acò fai sourno e di proun tristas.

Port : Aubre
Taio : Pancaro entresigna
Fueio : aguio escaumo
Tipe bioulougico : Pancaro entresigna
Cicle bioulougico : Pancaro entresigna

Gènre : Pinus
Famiho : Pinaceae

Ordre : Pinales

Coulour de la flour : Jauno
Petalo : ges
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Colo - Mountagno mejano
Estànci : Pancaro entresigna
Couroulougi : Pancaro entresigna
Ref. sc. : Pinus nigra Arnold, 1785

Pòrri-fèr

Allium polyanthum

Amaryllidaceae Alliaceae

Autre noum : Porre-fèr.

Noms en français : Poireau des vignes, Ail à fleurs nombreuses.

Descripcioun :
Lou pòrri-fèr se vèi souvènt d'aqui d'eila pèr camin, dins li vigno e lis ermas. Se recounèis à si boulo de flour roso salo e à sis estamino que sorton gaire. I'a de 8 à 40 veno à la cabosso.

Usanço :
Èi di proun acampa à la fin de l'ivèr avans la flourido. Lou pòrri-fèr èi goustous crus o cue en liéume e meiour que li dóu negòci, evidentamen subretout lou blanc. Li racino sèrvon pèr sougna li plago e li pougnaduro de la tavaniho e di serp (siegue fretado, siegue en maceracioun dins l'aigo - P. Lieutaghi, op.cit. p. 438). Tambèn pèr ajuda à faire sourti lou nourrimen (o placenta) encò li cabro e fedo, se dounavo uno tisano de pòrri (Ibid.).

Port : Grando erbo
Taio : 40 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Roso
Petalo : 6
Ø (o loungour) enflourejado : 3 à 6 cm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Abriéu à juliet

Liò : Ermas - Camin - Champ - Vignarés
Estànci : Termoumediterran à Mesoumediterran
Couroulougi : Eurimediterrano
Ref. sc. : Allium polyanthum Schult. & Schult.f., 1830 (= Allium porrum subsp. polyanthum (Schult. & Schult.f.) Jauzein & J.M.Tison = Allium ampeloprasum subsp. polyanthum, 1990 (Schult. & Schult.f.) O.Bolòs, Vigo, Masalles & Ninot )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Pinus nigra & Allium polyanthum

Coumpara Pin-negre emé uno autro planto

Coumpara Pòrri-fèr emé uno autro planto