Plantun de Prouvènço

Pèr coumpara dos planto d'encò nostre

Passiflora caerulea & Matricaria discoidea

Flour-de-la-passioun

Passiflora caerulea

Passifloraceae

Autre noum : Granadiho.

Noms en français : Fleur de la Passion, Passiflore.

Descripcioun :
Planto escalanto emé de vediho que trachis pulèu rapidamen. Li fueio soun penado (5 partido). S'aremarco subretout emé si gràndi e poulìdi flour bluio que podon pas engana. Fai pièi de fru coulour d'arange. Dins la naturo èi raro (R), mai èi coumuno dins li jardin.

Usanço :
Aquelo planto nous vèn dis Americo e lou noum ramento la semblanço de sa flour emé la courouno dóu Crist. Lou fru èi manjadis e la planto couneigudo pèr èstre vertuouso. Se prèn subretout en tisano pèr apasima contro lis ànci e ajuda à dourmi. Lis american se servien di fueio pèr sougna li macaduro e bruladuro (en emplastro).

Port : Liano
Taio : Pancaro entresigna
Fueio : alterno
Tipe bioulougico :
Cicle bioulougico : Planto renadivo

Gènre : Passiflora
Famiho : Passifloraceae

Coulour de la flour : Bluio
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Passiflora caerulea L., 1753

Camamiho(-fausso)

Matricaria discoidea

Asteraceae Compositae

Noms en français : Matricaire odorante, Fausse Camomille.

Descripcioun :
La camamiho-fausso es uno pichoto planto que trachis dins li graviho caucigado. La planto es óudouranto e sènso péu. Li capitule an ges de ligulo e vènon verd. Acò la destrìo de la camamiho-fèro pu grando, tambèn pèr li fueio eici à 4 lobe (5 pèr la camamiho-fèro).

Usanço :
A d'usanço proche de la grando camoumiho. Se saup proun qu'ajudo à dourmi (sedativo), qu'èi bono contro li mau d'estoumac e lou raumas. Se counèis de prouprieta anti-enflamativo e anti-óussidanto. Es estado proun utilisado contro li reglo doulourouso ("Matricaria").

Port : Erbo
Taio : 5 à 30 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Matricaria
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) flour : 0,5 à 1 cm
Flourido : Printèms - Estiéu - Autouno

Sòu : Ca
Autour basso e auto : 0 à 2200 m
Aparado : Noun
Abriéu à nouvèmbre

Liò : Graviho caucigado - Ermas
Estànci : Subremediterran à Subaupen
Couroulougi : Óurigino asiatico
Ref. sc. : Matricaria discoidea DC., 1838

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Passiflora caerulea & Matricaria discoidea

ges

RRR

ges

Coumpara Flour-de-la-passioun emé uno autro planto

Coumpara Camamiho(-fausso) emé uno autro planto