Plantun de Prouvènço

Pèr coumpara dos planto d'encò nostre

Parietaria officinalis & Clinopodium nepeta

Parietaria officinalis

Urticaceae

Nom en français : Pariétaire officinale.

Descripcioun :
Aquesto espargoulo, Parietaria officinalis, que trachis souto li bos proche d'aigo (ripilsivo) es estado de tèms counfoundudo emé l'espargoulo que vèn dins li paret, l'erbo-de-paret, Parietaria judaica. Pamens èi bèn mai grando dins tóuti si partido, majamen si fueio proun longo e acabado pèr un tros fin. Coumpara emé l'espargoulo que ié sèmblo.

Usanço :
Estènt mai raro, sèmblo pas que siegue estado utilisado en Prouvènço au contro de Parietaria judaica que devrié pourta soun noum. Pamens a li mémis usanço que sa cousino. De nouta que douno mens d'alergìo.

Port : Grando erbo
Taio : 40 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Parietaria
Famiho : Urticaceae

Ordre : Rosales

Coulour de la flour : Blanco
Petalo : 5
Ø (o loungour) flour : 0,5 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Ribiero - Bos umide
Estànci : Coulinen à Mountagnard
Couroulougi : Éurasiatico
Ref. sc. : Parietaria officinalis L., 1753

Menugueto

Clinopodium nepeta

Lamiaceae Labiaceae

Àutri noum : Manugueto, Calament, Erbo-fino, Mentastre.

Noms en français : Calament népéta, Petit calament.

Descripcioun :
La menugueto es uno planto coumuno di relarg secarous que recouneissèn quouro la trepejan. Sènt qu'embaumo qu'èi pas trop poussible de s'engana ! Flouris au mitan de l'estiéu e peréu en autouno. Fai de pichòti flour roso loungarudo pas trop serrado lis uno dis autro.

Usanço :
Se pòu n'en faire de tisano qu'èi bono pèr l'estouma e d'un biais generau pèr li proublèmo de digestioun. En Toscano, lou bouton dins lou manja ounte remplaço la majourano-fèro, Origanum vulgare.

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Clinopodium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Garrigo - Colo - Roucaio
Estànci : Termoumediterran à Mountagnard
Couroulougi : Pancaro entresigna
Ref. sc. : Clinopodium nepeta (L.) Kuntze, 1891 (= Calamintha nepeta (L.) Savi, 1798 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Parietaria officinalis & Clinopodium nepeta

ges

Coumpara Espargoulo(-de-bos) emé uno autro planto

Coumpara Menugueto emé uno autro planto