Raqueto(-rigourouso)
Opuntia stricta
Cactaceae
Autre noum : Pato-dóu-diable.
Nom en français : Oponce stricte.
Descripcioun :Aquesto raqueto nous vèn d'Americo dóu miejour e s'èi naturalisado en ribo de mar despièi de tèms. Sèmblo à Opuntia engelmannii mai si raqueto (que soun pas de fueio, mai de tijo pleno) soun mai aloungado, pu verdo e souvènt sènso pougnoun, alor que si fru, mai alounga, soun d'un rouge carmin mai viéu. Peréu fai pas jamai de pege emé l'age au contro de Opuntia ficus-indica.
Usanço :Li flour e li fru di raqueto soun manjadis, emai aquéli d'aquesto raqueto sèmblon mens sucous. La raqueto èro deja proun utilisado pèr lis aztèque pèr sougna li plago e contro la pisso-douço. Èi peréu tounico e diuretico. Aro se retrobo dins proun de medicacioun pèr lucha contro la buerbo, lis artèri tapado e coume l'avèn di lou diabète.
Port : Aubret
Taio : 1,5 à 3 m
Fueio : ges
Tipe bioulougico : Faneroufite
Cicle bioulougico : Planto renadivo
Gènre : Opuntia
Famiho : Cactaceae
Coulour de la flour :
Jauno
Petalo : >6
Ø (o loungour) flour : 5 à 6 cm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Remarco : Planto de coustiero
Jun à avoust
Liò : Pendis proche la mar
- Roucas
Estànci : Termoumediterran à Mesoumediterran
Couroulougi : Óurigino Meissique
e Óurigino Americo dóu miejour
Ref. sc. : Opuntia stricta (Haw.) Haw., 1812
Primadello(-marjado)
Primula marginata
Primulaceae
Nom en français : Primevère marginée.
Descripcioun :Aquesto bèn poulido primadello èi pas raro au nostre. Flouris en mountagno sus li roucas cauquié, ounte trachis en coulounìo. Se recounèis à si gràndi flour vióuleto e subretout à si fueio dentado e marjado de blanc.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Pichoto planto lignouso
Taio : 5 à 15 cm
Fueio : basalo
Tipe bioulougico : Camefite
Cicle bioulougico : Planto renadivo
Gènre : Primula
Famiho : Primulaceae
Ordre : Ericales
Coulour de la flour :
Vióuleto
Petalo : 5
Ø (o loungour) flour : 1,5 à 2 cm
Flourido : Printèms
- Estiéu
Sòu : Ca
Autour basso e auto : 400 à 2800 m
Aparado :
Vo
Mars à juliet
Liò : Roucas
- Baus
- Tepiero roucaiouso
Estànci : Subremediterran à Aupen
Couroulougi : Ouroufito-Aupenco-Sud-Ouèst
Ref. sc. : Primula marginata Curtis, 1792