Famiho : Primulaceae, i'a 20 meno.

Pèr counèisse e recounèisse li planto d'encò nostre

Li Primulaceae (famiho dóu mouroun), soun d'erbo renadivo que podon èstre lignouso à la baso.

Li fueio soun simplo e en rouseto (1), sènso estipulo.

Li flour soun reguliero, en generau à cinq partido (3), en grapo, en oumbello (2) o en paumo.

Li sepalo soun sóudado, emai li petalo que podon fourma un tube (4).

I'a cinq estamino, que soun façi i petalo (5).

I'a uno óuviero en subre, à uno souleto lojo emé un estile (6).

Lou fru es un pichot boursèu (7).

Soun souvènti-fes de planto de mountagno, e coume fan de poulìdi flour soun proun cultivado dins li jardin subretout que flourison d'ouro à la primo.